[الرهينه]

السلام عليكم ورحمة الله وبركاته

انا هحكيلكوا حكايه مأساويه هتعيطوا عليها بدل الدموع دم بس المهم اصعب عليكوا فى الاخر وتساعدونى:D

الحكايه وما فيها ان موبايلى باظ وانا فى المصيف نسيته فى جيبى وكنت بتمشى فى المياه وطبعا دخل فيه مياه كتيييييييييييييييير
المهم انا شلته على طول وفكيته خالص من بعضه وحطيته فى الشمس .. وبعدين لما قولت لبابا قالى ما حله عندى
الحل بقى كان ايه

بابا كان عنده بنزين تنضيف خد الموبايل ومسحه بالبنزين ده لقيت فيه حاجات كانت بايظه اتصلحت وبعدين لما لقيته بيتصلح روحت حطاه كله فى البنزين وطبعا بما فيه الشاشه

فالحمد لله كله اتصلح بس الشاشه اتحرقت وبابا قرر انه يفتحه قولتله لا انا مش عايزه موبايلى يتفتح "على اساس ان فى حاجه سليمه اصلا:D" قالى هفتحه ولو باظ وعد هجيبلك واحد غيره ونفس العده

المهم الموبايل ما حصلش فيه تغييرات بعدها وبابا قالى هجيبلك عده جديده

جه يجيبلى نفس العده "6630" فعمو اللى سأله قاله كله مستعمل بابا قالى دورى على عده تانيه قولتله "N73" فكان هيحدفنى باى حاجه فى دماغى لان انا اللى مبوظاه اصلا قالى شوفى حاجه بين الاتنين

اكيد انا صعبت عليكوا .. مش كده؟

يلا قولولى بقى اجيب عده نوعها ايه؟:D

فى انتظار ردودكم