للاسف كل كلية علوم فى مصر ليها نظام التشعيب الخاص بيها
هتكلم عن القاهرة ؛
كلية العلوم فى جامعة القاهرة بتسمح لطالب علمى رياضة انه يدخل اى قسم ما عدا اى قسم فيه بيولوجى حشرات ..نبات ..بيولوجى ..كيمياء بيولوجى ...كيمياء نبات...الخ
ومفيش عندنا نظام المجموعات ( اللى هو مجموعة العلوم الطبيعية ومجموعة علوم الارض ..الخ الخ )
احنا عندنا تلات مواد لازم تدرسهم اجبارى فى سنة اولى ( كيمياء + فيزياء + رياضيات ) ومادتين تانيين انت بتختارهم يأهلوك تتخصص فى قسم معين من سنة تانية ( يعنى نفترض انك عايز تدخل قسم حاسب آلى..هتاخد فيزياء + كيمياء + رياضيات + جبر + إحصاء والتيرم التانى ..فيزياء + كيمياء + رياضيات + برمجة بلغة سى + ميكانيكس )
بالنسبة لقسم الحاسب الالى فهو مختص بالبرمجة ..الدراسة فى جامعة القاهرة فيه من سنة تانية مع شوية رياضيات متقدمة خاصة بالبرمجة
اما فى عين شمس تقريبا بيكون من تالتة او رابعة واعتقد النظام ده فى باقى الجامعات
اتمنى اكون افدتك معلش الرد سريع وغير منظم لانى معنديش وقت الحقيقة الفترة دى ..ربنا يوفقك إن شاء الله
|