اقتباس:
المشاركة الأصلية كتبت بواسطة دودو دلوعة اليكس
هاى يا جماعة ايه اخباركم انا كنت عيزا احكى لكم على حاجة انا متضايقة منها ومحتارة فيها اوى وعيزا ردودكم بس يا ريت تقولولى حل......بصوا يا جماعة انا كان عندى موضوع عرضته قبل كدة بس ما اعتقدش ان الكل شافه المهم الموضوع يا جماعة ان انا كان عندى انتيمتى عملت معايا مواقف ياما وحشة انا حقول هالكم باختصار انها بتغير منى جدا ومش عيزانى اصاحب حد غيرها
موضوع انها بتغير منك ده فكل البنات ماشاء الله بيغيروا من بعض ليه مش عارف يعني تقدري تقولي حاجه عاديه شويه
وموضوع انها مش عايزاكي تصاحبي حد غيرها ده ممكن تكون هي بتحبك اوييييييي فهنا الانانيه بقي في الحب عايزاكي تكوني ليها لوحدها
.........وبقية المواقف كانت فى موضوعى التانى معلش مش حقدر احكيها كلها
....اما صحبتى التانية دى انا عيزاكم تقولولى حل اعمله معاها بصوا يا جماعة هى مش انتيمى ولا حاجة بس انا كنت بحبها وكنت بشتكى لها من المواقف اللى كانت بتعملها معايا انتيمى اللى انا اتكلمت عنها فوق وكنت ببقى مرتاحة معاها وخصوصا انها كانت كويسة معايا وبتحبنى بس المشكلة ان انا اتخدعت فيها لانها عملت معايا موقف مش كويس انها كانت بتكدب عليا فى مجموعها انا كنت مصحباها من تانية ثانوى وكانت قيلالى انها جيبا 96% وقالت لى انها جابت فى تالتة ثانوى 90% هى كانت علمى رياضة معايا بس طلعت كدابة لانها طلعت جيبا فى تانية 85.3% وجيبا فى تالتة 84% وكانت وخدا رقم جلوسى ولما قلت لها هاتى رقم جلوسك قالت لى لاء المهم انا طنشت لانى واثقة فيها يعنى ايه اللى حيخليها تكدب عليا!!!!! ولما قلت لها ان انتى جبتى كذا وكدبتى عليا قعدت تحلف وتقول لى انا ما كدبتش عليكى وكلمتنى ع الموبايل وقعدت تعيط وتقول لى ان انا مش كدابة وما كنتش متوقعة منك انتى كدة بالذات انك تقولى عليا انا كدة .....انا قلت لها خلاص صدقتك مع انى مش مصدقاها لان الدرجات ادامى يعنى اكدب عنيا يعنى ولا ايه .....بس انا مش عرفة اعمل معاها ايه......ياريت يا جماعة تقولولى اعمل ايه !!!!!!!! منتظرة ردكم بيس يا جماعة.....
|
موضوع الكدب في المجموع ده موضوع تافه اوي
وهي بتضحك عليكي ولا علي نفسا
وانا شايف مضايقه نفسك اوي بالموضوع ده
عادي بتحصل في احسن العائلات
،،،،،،،،،
بصي من الاخر عشان تصاحبيها لازم هي تكون معترفه بخطأها ولازم تواجهيها ولو استرت علي كده خلاص في غيرها كتير
وديما ياجماعه اسمع حد يحصل معاه مشكله يقولي اصل كل ما اصاحب واحد يطلع وحش
لاء زي ما انت او / انتي كويسه
هتلاقي
بس المشكله ان كل الناس فيها عيوبها وفيها مميزاتها
فلازم نحاول نغير من نفسنا ومن اللي حولينا عشان نعرف نعيش
اسف اني رغيت كتير
سلام عليكم