شوفوا ياجماعة
حل مشكلة الكادر
الوزير يفضل زي ما هوّه
والمدرسين كلها هي اللي تستقيل !!
وإوعوا تفكروا إن أنا عايز اقطع عيشكوا !
أو ر... لا سمح الله ! الشر بره وبعيد
وان شالله إللي يكرهوكم
أنا عارف إنكم حاتستنوني برَّه المدرسة
علي فكرة هناك نبوءة تقول :
إن الجنس الأصفر سيسود العالم
فيبدو إنهم بيعدّوا (من الإعداد) للمستقبل البعيد
فحايجيبوا مدرسين من الجنس الأصفر
حتي ينصلح حال التعليم في ربوع مصرنا الخضراء
دا بمناسبة مونديال الصين
يعني الحل
ياتستقيلوا كلكم
يا الوزير يبقي زي ما هوَّه ويعمل اللي عايزه
بس والنبي ماحدش يستناني برّه المدرسة
أويحدِّفْني بالطوب
وإوعوا تكونوا مش عارفين
إللي حصل النهاده 16/8/2008
إن أرقام الجلوس طلعت
واللي عايز يعرف رقم جلوسه
يخش علي الاكاديمية برجله اليمين
قصدي بكوده ورقمه القومي وكلمة سره
وهوه حايعرف مكان اللجنة بتاعته
بس الامانة لله
ماحدش لسة يعرف مين اللي حايراقب علينا
والاَّ يكونوش حايخلونا نراقب علي نفسينا !!