[ymymym]

بسم الله الرحمن الرحيم


بصي يا حبيبه قلبي الموضوع كبييييييييييير قوي انا هقول رايي الشخصي اولا ناخد جزء جزء في اعضاء قالوا ان مثلا البنت لو اهلها بعاد عنها ومعرفش ايه مبيكلموهاش هقولك دا سبب صحيح قالوا سبب تاني ان البنت بيبقي عليها ضغط كبير او كبت يحموها من حاجات مثلا واصحابها موش محرومين منها هقولك برضه اه ممكن فعلا نيجي للسبب اللي يعتبر يعني موش قوي اللي هو ايه سبب ضعيف يعني ان البنت تبقي كده مامتها ماتت او باباها مات علي ما اظن ميعتبرش سبب للانحراف يعني صح ولا انا غلطانه تعالي بقي ناخد السبب اللي فعلا كبير هو ايه بعدها عن ربنا وبعد كده بقي تيجي باقي الاسباب التانيه اللي قلتها لما واحده مثلا مبتصليش عاوزينها تبقي ايه محترمه ومؤدبه وميه ميه لأ طبعا بالتاكيد موش هيهمها اي حد استغفر الله طبعا واحده متعرفش حاجه خالص عن دينها كده يعني فانا بقول انه بعدها عن ربنا هاتي بنت وحشه وخليها تصلي وتصوم وتقرب من ربنا وتندم علي اللي حصل هتلاقيها ميه ميه وانا اعرف بنات كتير قوي كده كانوا في قمه البوظان سوري يعني ودلوقتي بسم الله ما شاء الله قربوا من ربنا بيصلوا الصلاه في ميعادها وكويسين جدا اما بقي الصراحه في بنات تلاقي اهلهم موافقين انها تنزل بملابس ضيقه قوي قوي وعادي خالص خليكي سبور زي ما بيقولوا دول مثلا ذنب البنات ايه اه بيسمعوا كلام كتير قوي انه غلط بس مين اللي قالهم كده اهلها قالهم يعني لأ البسوا كذا وكذا فدي ممكن نعتبرها ضحيه لكن في بنات اهلهم ناس محترمين جدا بس تلاقيها هي من جواها موش عاوززه كده فبتبعد عن الطريق الصح وتروح للطريق الغلط واهلها موش واخدين بالهم وفين وفين لما يكتشفوا انها كده بصي دا رايي انا بقرا قصص كتير حقيقيه عن الكلام دا وبقولك الحاجات اللي بتحصل فانتي عارفه بقي دا دور مين دلوقتي هقولك اههواحنا صغيرين نسمع حاجات دينيه اكتر نحاول كده نصلي من غير ما نفكر في الخروجه بتاعه النهارده انا موش عارفه ايه النهارده الكلام دا فكري في ربنا وبس هتحسي بطعم تاني طعم جميل مادوقتيهوش قبل كده طعم حلال خير والله انا بتكلم من قلبي وبقول الحقيقه اللي فعلا لو عمل كده هيحس بكده لاني متوقعه واحد كده بيحب يتريا يعني وهيعمل اقتباس وهيتريا وانا متاكده بس ما علينا قولوا كده لاصحابكم وزميلكم جيرانكم وبعد كده لما نكبر ونتجوز ونجيب اطفال ان شاء الله نعلمهم الحاجات الصح من غير ما نضيق عليهم اه خليه من وهو صغير يعرف ان الصلاه حلوه وجميله هتلاقيه من نفسه بعد كده هيقولك تعالي نصلي انا بنت اختي بتعمل كده بتقوللي ابر يعني الله اكبر بعد كده فهميها الصح من الغلط قربي منها صاحبيها والاب برضه يصاحب بنته وابنه لانهم لو بعدوا عنهم في الفتره الاولي من حياتهم خلاص انسي بقي انها ترجع تاني الا بقي بمعجزه لانها اساسا المرحله اللي بيكونوا فيها الحاجات الصح ويفرقوا ما بين الغلط والصح معلش انا طولت عليكم يارب يكون كلامي مقتنعين بيه قوي ياااااااااااااااااااااااارب