[* dr.sara*]

المشاركة الأصلية كتبت بواسطة bo$y

الأحياء 3 ساعات الحصه
لإن المجموعه بتاعتنا زي مانت شايف .. مشغوله على آخرها
يعني انا لازم احفظ الأحياء أول بأول .. ربنا يقدرنا .. انا كنت بعمل كده في الكيميا و جبت فيها 46.. آخرة تعبي
كانت لوحدها بتاخد 4 ساعات مذاكره مني

صحيح بالنسبه للفيزيا
هو انا ينفع اذاكرها في اليوم اللي باخد فيه الدرس (الإتنين و الخميس) ؟؟
يعني مثلاً بعد لما اجي من الدرس آخد بريك ساعه او حاجه و بعدين اذاكر اللي المستر اداهولنا
و اراجع عليه تاني يوم و احل أسئله ؟؟اه اكيد ينفع دى الطريقة المثالية
ولا مذاكرش الماده دي في اليوم ده من أساسه؟؟لا ذاكريها فى نفس اليوم او اللى بعده متراكميش

انا عارفه اني برخم بالأسئله الكتيره دي

بس معلش انا بجد عايزه اجيب مجموع كبير لإن مجموعي في تانيه ده لا يسمن ولا يغني من جوع بالنسبه لعلمي علوم

بعد اذن الدكاترة انا هديكى شوية نصايح بصى يا حبيبتى انا كنت زيك فى ثانوية عامة بردو بس جبت محموع عالى الحمد لله 97.6% الفرق بينا وبينك يا بوسى مش ذكاء ولا حاجة بصي الحكاية كلها تنظيم وقت يعنى انتى بايدك تفدرى تجيبى 95 وبايدك تجيبى 97او 98 هقولك ازاى
اولا هقولك حاجة مينفعش الاحياء يوم واحد طب ما انا المستر اللى كنت باخد معاه كان بيدينى 3 ساعات وكنا بناخد 6 حصص فى الشهر مش 4 وبردو متبقاش 8 زى الفيزيا عشان الوقت ميضعش 6 كويس
ثانيا: الحفظ لوحده غلط كبير وقع فيه الكتير من الناس وكانت النتيجة 45-46-47 لكن اللى بيفهم ويحفظ فى نفس الوقت ميعتدتش على الحفظ بس مش هينقص اكتر من درجة باذن الله تعالى اللى نقصك فى الكيميا حاجتين انك مش حابها وحب المادة هو اللى يخليكى تتفوقى فيها وكمان انك مستصعبة فهمها فعمالة تحفظى وطبعا الحفظ لوحده مع مادة زى الكيميا بيتبخر لكن اللى حابب وفاهم المادة وحافظها بردو يجيب 49او 50
بصى اللى فات اة اللى حصل فى الكيميا استفيدى منه فى لاحياء يعنى لايلدغ المؤمن من جحر مرتين عايزاكى قعدى فى حصة الاحياء والفيزيا منصتة اوعى ترغى او تتكلمى مع حد لاء تفهمى كل حاجة واى حاجة مش فاهمها اسالى المستر ف ساعتها واى سؤال يخطر ع بالك اسالى الاساتذة هنا ع المنتدى واسالينا احنا تحت امرك
فى الفيزيا بعد ما تفهمى كل فصل وتحفظيه حلى عليه اكبر قدر من الاسئلة ومتنسيش الاولمبياد وهى على المنتدى هنا باجوبتها
فى الاحياء طبعا تابعى مع دكتور هشام واحضرى الغرف الصوتية وحلى امتحانات الدكتور وانتى تتضمنى ال 50 ان شاء الله
وفى النهاية اتمنى لكى التوفيق والحصول على مجموع عالى و اى مشكلة تواجهيها احنا موجودين وكلنا اذان صاغية وهنساعدك على حلها