السلام عليكم ورحمة الله وبركاته
وعليكم السلام ورحمة الله وبركاته
اولا ازيك يا ترافيل
بعد ما كتبت الموضوع ده كويسة
بس هرتاح اكتر لو حد رد عليا
نيجى لموضوعنا الاساسى
اقولك انا ايه السبب ان كل شوية تتحط مواضيع زى دى
لان تقريبا كل المنتديات كدة
الناس داخلة تضيع وقتها
مش لاقية حاجة تعملها
عاوزة تعمل موضوع يترد عليه وخلاص
من كام يوم لاقيت موضوع ازاى تقريبا تحرقى دم الولد
وما شاء الله المشرفين داخلين يهزروا بالمرة
ولما قولت يا جماعة انتوا قلبتوا الموضوع شات
واحد قالى وايه يعنى لما اقلبه شات
طبعا العيب مش عليه
العيب على الى سايب الاعضاء تعمل الى هى عايزاه وكمان فى الوقت الى يعوزوه
وايضا العيب على وجود مشرفين مش بيدخول اصلا الاقسام
عندنا ما شاء الله مشرف مش بيدخل من شهر خمسة وكان اشرافه تقريبا موجود لغاية الاسبوع الى فات ومش عارف ان كان لسة بردة مشرف ولا لا
بردة عندنا فى هذا المنتدى ترقية العضو الى مشرف ادارى دفعة واحدة بمجرد ارسال رسالة خاصة للاستاذ اشرف ومتابعة العمل
اما موضوع قسم الرجالة
زيه زى قسم جرس الفسحة
ليس لهم اى قيمة مطلقا
دخولهم زى عدم دخولهم
بس الناس بتزود بسرعة عدد المشاركات فى قسم جرس الفسحة وخلاص
وبردة قسم جرس الفسحة موجود زيه فى كل المنتديات
بس الفرق ان هنا ما فيش فيه مسابقات او الغاز
الالغاز فى قسم لواحدها
والمسابقات مش عارف صراحة
وجرس الفسحة بتدخل تقول صورة المزية للى قبلك
وتوقيعه
وشخصيته
الى اخره
اما قسم البنت المسلمة
حاجة تانية
دة قسم اسلامى
ومتهيئلى كمسلم ما فيش مشاكل انى ادخله طالما داخل بأحترامى وخارج بأحترامى
واكيد الجواب بيبان من عنوانه
يعنى لو لاقيت من العنوان انى مفروض مادخلشى مش هادخل
بس لغاية دلوقتى ما شفتش موضوع معين من الى انا بتكلم عليهم دول
كل ما ادخل الاقى موضوع كيفية اصطياد الفتيات من المنتديات
شفته حوالى تلات مرة
بنفس الحرف ما شاء الله
يا اختى
المنتدى صراحة عاوز اعادة هيكلة
لو اقتراح خاص بالقسم التعليمى فى ثوانى بيتنفذ
اما باقى الاقسام ادينا شايفين
ولو اصلا عدينا الاقسام المفيدة خارج التعليمية
هاتتعد على الصوابع
خاصة وان الاقسام الدينية الان
هى الاقل فى المتابعة والمشاركات
الموضوع مش موضوع قسم الرجالة
او البنت المسلمة
او جرس الفسحة
الموضوع
موضوع رقابة
فى امان الله