[Cray_Bird91]

المشاركة الأصلية كتبت بواسطة Doom'S DaY

إحنا دوله من الظاهر ديموقراطيه
يعنى الشعب المفروض بيحكم نفسه بنفسه ولمفروض كمان إننا دوله حره
لكن للأسف من الباطن
لا إحنا دوله ديموقراطه ولا حتى حره إحنا دوله حتى مش عارفين نوصل لمرحه الدكتاتوريه على الأقل هيبقى المستبد واحد من بلدى مصرى يعنى

لكن ما شاء الله إحنا عباره عن دميه فى إيد اللى يأكل موظفى الحكومه أكتر يمين يمين شمال شمال
والشعب ده آخر حاجه بيفكرو فيها
إحنا عباره عن عبيد فى بلدنا الأب من دول بيشتغل شغه وإتنين وتلاته وساعات بتوصل لأربعه عشان يقدر يوفى الحاجات الأساسيه للبيت مش هقولك يعيش عيشه مرتاحه وبردو بيفشل
لأن ماشاء الله إحنا فى غلاء مستمر
فى كل حاجه كل حاجه تمنها بيزيد يوم عن يوم إلا سعر المواطن المصرى ثابت محلك سر بل بالعكس فى تقهقر مستمر

عارف إنك دلوقتى بتقولى إيه علاقه الكلام ده بموضوعى ياعم أنا بسألك هو إحنا جيل فاشل ولا لا
؟!

إصبرى عليا شويه الصبر حلو
مسألتيش نفسك إحنا الحال اللى إحنا فيه ده سببه إيه
ليه وصلنا لكده
ليه مبقاش لينا كلمه
و
لا بقى لينا رأى
زمان كان ممكن يكون حالتنا وحشه الناس مش لاقيه تاكل زى دلوقتى بس كان الإنسان منهم حر يعمل اللى هو عاوزه فى الوقت اللى هو عاوزه
مبيخفش من حاجه لا سجن يلم ولا حكومه تهم كنا بنعبر عن نفسنا وكان لكل جماعه طريقتهم

لكن دلوقتى
جيل أبوس الواو وهاى يا ميرو ومساء الخير يا ميدو وإزيك يادودى وأخبار القطه بتاعتك إيه يا حببتى شوفت ياد البت الصاروخ دى
ماشاء الله بقى تفكير الشباب عالى عالى عالى عالى
بقى همه الأول
العربيه الشيك وأحدث موبيل والبنت الحلوه
الجيل اللى المفروض هيحارب وهيقف فى خط النار لو سمع كلب هوهو فى الشارع ممكن تنزليه من على سطح عماره من الرهقه

لكن بردو ليه إحنا بقينا كده
عارفه ليه
الواحد من دول بيتولد يابنى الكذب حرام يا حبيبى خليك صريحه الصراحه حلوه
خليك أمين
خلى بالك من بنت الجران اللى معاك فى المدرسه دى زى أختك

يكبر
يلاقى الصدق بيودى فى دهيه والأمانه مبقتش موجوده وبنت الجران لا هى أخته ولا حاجه ولو كانت إخته بالشكل ده كان قتلها
والمجتمع كله من حوليه زباله فى زباله وكل عايش بيقول يلا نفسى
واللى تطوله خده
والفرصه مبتجيش غير مره واحده فى العمر
ويبص جنبه يلاقى والده شغال 300 شغالنه عشان يكفيه هو وإخواته
يطلع يدور على أول ففرصه يبيع فيها نفسه

و
للحديث بقيه لو عاوزه
بس عشان ا أطولش عليكى

على فكرة لو احنا شعب هايف زى ما حضرتك ما قلت مكانش كل اخ لو شاف اخته تمشى مع ولد او حتى تكلمه

سابها او سابه

ولا حتى اتنشأ فى بيوت كثير بنات او شباب محترمين

احنا بنبص على الناس اللى معندهاش قيم

الناس اللى واخدة من الغرب حاجات كثير ملهاش لازمة

احنا مش جيل تافه بالعكس الجيل لسة بخير بس عاوز صحوة جامدة

والله الجيل اللى طالع طالع معاه حاجات كثيرة حلوة

بس نظريته محدودة

محدش بيتكلم معاه

معظمه بيروح لناس زيه فى السن ويمكن ياخد معلومات غلط كمان

شكرا ليكى يا اخت ميمش على الموضوع المهم ده

الموضوع عاوز وقفة جامدة