[Dr|shereen]

نا مشكلتى انى والله كنت شاطرة جدا فى الانجليزى وكل مدرسينى كانوا بيقولوا كده يعنى كنت دايما بقوى نفسى فيه واحفظ كلمات واخد كورسات ولحمد لله فى 3 اعدادى طلعت الاولى على الادارة وكنت مقفلاه لكن السنة دى المدرس بتاعى ماكنش بيشجعنى نهائى معرفش ليه جاوبت زى مجاوبتش وكان مصمم انه يحبطنى قلت لماما انى هسيبه فالت لى بدال شاطر فى الشرح مالناش دعوة وكملت معاه ولنتيجة اليوم اللى قبل الامتحان كنت تعبانة جدا وكلمته سالته على اسئلة وقلت له فىحاجات فى الجرامر مخلصتهاش قال لى ازاى وكلمنى كانى طالبة فاشلةومصمم يحبطنى حتى اليوم اللى قبل الامتحان والنتيجة انى اعدت اعيط لانى حسيت بتانيب ضمير والله منمتش حتى دقيقة واحدة وروحت الامتحان فى معاد نومى واقل وصف اوصفه ان كان مخى ملغى وماكنش عندى ذرة تركيز وغلطت غلطات تافهة جدا ولانجليزى بقى اكتر مادة منقصانى اكتر من نص الدرجات اللى انا ناقصاها ولله انا اكتر حاجة مضايقانى ان الامتحان لما بييجى صعب بيبقى بيميز بين الطلب المتميز والعادى ونا درجتى تساوت بدرجات صحاب ليا مش عيزة اعيب فيهم بس هما فعلا مستواهم مش زيي المهم انا مضايقةومش عارفه هذاكر الانجليزى السنة لجاية ازاى مش عارفة انا للى غلطت لما عيطت وكدة ولا دة قدرى حتى لو كنت غيرت المدرس