انا لما دخلت الموضوع
احتارت
ارد ولا مردش
لان فى ناس داخلة بتقول كلام مش موثوق
ممكن نقول عليها اراء
المهم بقى
مش هقولك احييك على الموضوع
لانك اختارت اهم موضوع شاغل تفكيرنا كلنا
يعنى اهم من التحية
ممكن اقولك
تسلم اناملك اللى كتبت الموضوع
بص يا احمد
دلوقت بقى
الجيل اللى احنا عايشيين معاه لاسف
جيل رجعى
مستهتر
مش عاوزة اقول(صايع)
بس مش كله ينطبق عيله الكلام ده
نقدر نقول كده (قلة)
متتعداش نسبة ال20%
(اللى هما متدينين ومحترمين وعارفين ربنا كويس)
واضح انها نسبة كبيرة اوى
:D
نمسكها واحدة واحدة
بالنسبة للبنات:
دلوقت المحجبات بقوا منتشرين اوى
وعينك ما تشوف الا النور
1-ممكن تلاقى واحدة ماشية محترمة وماشاء الله عليها قمة فى الادب والاحترام
عاقلة ..رزينة
وفى الاخر
يطلع تفكيرها متخلف جدا
ممكن تتكلم فى كل ما يخطر على البال واللى ما يخطرش كمان
2-مش هقول ممكن لان دى النسبة المنتشرو
ظاهرة الاحتشام فى اللبس
محجبة ويمكن كلمة الحجاب دى تتقال على شعرها بس
مش على حاجة تانى
يا دووب فرحانالى بغطاء شعرها
وفين لبسها اللى هيا لابساه
اعتقد ان الحجاب ده شامل
فى احترام
لو
فسرنا كلمة حجاب
يطلع معناها غطاء
والمفروض انها تراعى
انها كده(فتنة)ماشية فى الشارع
ولما نيجى نتكلم نقول ايه ده ومش ايه ده
يتقال ان احنا جيل متخلف
بنفكر بتفكير الماض
من الاخر يتقال علينا
عالم رجعية...متخلفة
ممكن حد يقولى اللى انا بقوله ده غلط
اقرب دليل على كلامى
لما رحت الكلية اول امبارح
وانا ماشية سمعت بنتين
اللى يشوفهم
(قمة فى الادب)
فى كل حاجة
محترمين فى لبسهم فى شكلهم
(ده على اللى يشوفهم زى ما انا شفتهم)
سمعت ايه بقى!!!
واحدة منهم بتقول للتانية:
(جواز ايه اللى عن حب ده اللى انتى بتتكلمى عليه..
لاء طبعا
انا اتجوز اغنى غنى فى البلد ويعملى اللى انا عاوزاه
يعيشنى ملكة زمانى
واخليه زى الخاتم فى صباعى..(هى قالت كلمة غبية بس انا مش هقولها)
وبعد ما اعمل اللى انا عاوزاه كلوا
اروح اتجوزلى اللى انا عاوزاه
وادينى كده ضربت عصفورين بحجر
..........................
ده اللى سمعته من المحترمات بالشكل الخارجى
انا مش هتكلم عن المنتقبات علشان مينفعش اتكلم عليهم
كفاية اللى انتوا قلتوه
لانى لو اتكلمت هيبقى كلامى وحش اوى عن اللى انا شايفاهم
بس برجع اقول الكلام اللى انا قلته ماينطبقش على نسبة ال20%
<><><><><><><><><><><><>
بالنسبة بقى للشباب
دلوقت بقى حالهم يصعب على الكافر
عالم فاضية
تلاقى القهاوى مليانة على اخرها
وشباب تافه فيها
وفى الشارع نفس الكلام
وموجود فى كل حتة
منهم اللى يتكلم الحرام واللى حلال
وهو اصلا مش عارف اللى هو يبقوله اذا كان صح او غلط
بس فرحان بنفسه وهو بيتكلم
منهم اللى يقولك اعمل كذا ده الصح
ويحاول انه يقولك مثلا الهداية
وهو اصلا عاوز تغيير جوهرى
انا مقدرش اتكلم عن الشباب لانى معرفش اقول ايه ولا ايه
غير انى اقول
نفس حال البنات
وبرده برجع تالت واقول
ان كلامى ده مش على نسبة ال20% اللى قلت عليهم
مشكلة الجيل ده انه بيهتم بالجمال الخارجى
انا مقلتش حاجة
وماله
الشكل بيكون مطلوب برده
واكييد كلنا بنهتم بنفسنا
بمظهرنا بكل حاجة
انما فى الحدود اللى مسموح لينا بيها
فى ادب
بس اغلبنا نسى ان
الجمال روحى وعقلى واخلاقى
الجمال الداخلى
محدش بيفكر فيه فى الزمن ده
اقدر اوصف ان الزمن ده غير حاجاة كتيير
القضي مش قضية حجاب وتدين
لو رجعنا لورا وسمعنا حكايات اهالينا
كنا عرفنا انهم مش محجبات وهما كانوا فى سننا
كان لبسهم ازاى
ومع ذلك مكنش حد يقدر يقولهم تلت التلاتة كام
علشان كان فى اخلاق فى الزمن ده
كان فى مبادئ
انما للاسف
حسب تقديرات الزمن اللى احنا عايشينه
ضاعت كل حاجة
ضاعت الاخلاق والمبادئ
واحترام الغير
علشان مطولش
لحسن انا فتحت على السابع
:D
ليه عودة
باذن الله