اقتباس:
المشاركة الأصلية كتبت بواسطة MCoMMaNdo
فمجلس الشورى ليس مجرَّد مبنى عتيق بوسط القاهرة، ولكنه مبنى يُجسِّد تاريخ مصر، كما أنه يعتبر عنوانًا لحاضرها ومستقبلها
|
عجبتنى اوى الجملة دى ؟؟
انت مصدق انت بتقول ايه ؟؟
عموما زود على عدد الناس اللى فرحوا فى الموضوع واحد
او اقولك الحقيقة انا مفرحتش ولا حاجه انما معنديش اي مشكلة انه ولع واتمنيت بصراحه يكون مجلس الشعب بالمرة معاه وايه اللى هيجرى يعنى لما يحصل ده ؟
الحياة البرلمانية هتتعطل ؟؟
هى فين اصلا الحياة البرلمانية ؟؟
ايه هى لازمتهم اصلا ؟
وبيعملوا ايه الناس اللى فيه دول غير انهم بياخدوا فلوس وحصانة وبيرفعوا ايديهم لما ينادى الاخ سرور موافقون موافقه
تقدر تقولى انت انتخبت الناس بتوع دايرتك على اساس ايه ؟؟
او لو انت ما انتخبتش الناس اللى انتخبت انتخبت على اساس ؟؟
خدمات بتقدم للدايرة ؟؟
ما بيحصلش ولو حتى بيحصل ؟؟
هل هى دى وظيفة المكانين دول ؟؟
واسطة لاهل الدايرة علشان يعملوا صرف صحى للقرى ورصف طرق المدن وشوية شجر على الكورنيش وفى الطريق ؟؟
لو شايف ليهم لازمة تانية قولى