الغلط واقع على الطرفين مش على البنت بس او الولد بس .. البنات اصبح لبسها بيتبرى منها .. حاجة فظيعة بجد .. والولد بقى بيعاكس اللي رايحة واللي جاية ولأ وبيتفشخر انه عمل كده !!
طب لييييييه ؟؟!!
ببساطة شديدة الدين يكاد يكون انعدم من قلوب الناس الأيام دي .. سواء الشباب المش محترم او البنات اللي لبسها مش تمام او حتى الاب والأم اللي سمحوا للولد او للبنت انهم يعملوا كدة .. بجد الاباء في الحالة دي ظلموهم اشد ظلم ..
طب سؤال .. البنت اللي بتعمل كدة بتعمل ده ليه ؟؟ عشان الولد يقول عليا حلوة .. طب وبعدين؟ .. اكيد هيعاكسني .. وبعد مايعكسك؟ .. هيحاول يكلمني .. وبعدين ؟ .. هنتعرف .. ها؟ .. هنتكلم .. ايوة وبعد كدة ؟ .. هنحب بعض وبعد كدة هنتجوز !! .. هنا بقى اقولها : هوووووب عندك عندك !! جواز مين يا ماما اللي بتحلمي بيه ده !! انتي بالنسباله مش اكتر من شيء للمتعة والتسلية فقط لاااااغير .. ولو افترضنا انه هيتجوزك .. هل تتوقعي انك اول واحدة عرفها !! .. طيب اعمل ايه انا عايزة واحد يصونني ويحترمي ويحبني بجد , عايزة واحد متدين !! .. طيب وانتي متوقعة ان في واحد ملتزم او متدين يبصلك باللي عاملاه فنفسك ده !!!
فعلا هو ده اللي حاصل ان كل بنت عايزة واحد متدين عشان يراعي ربنا فيها .. بس الملتزم ده لما بيختار , بيختار مين ؟؟ الملتزمة اللي زيه ولا البنت الروشة التانية ؟؟!!
ونفس الحال مع الولد .. اللي هتعمله في بنات الناس من معاكسات و مضايقات هيتعمل ف اهلك "افعل ماشئت , فكما تدين تدان" و "الديان لا يموت"
فسبحان الله !!
ربنا يهدي بقى .. و السلام عليكم ورحمة الله ...