إختيار
رغم ان البسمة دايما فوق شفايفك
بس زى ما يكون فيه ما بين الحزن و عيونك معاهدة
يبقى ايه ده ؟--------------
ساب سؤاله فوق جدار اللحظة و اتدارى ف سكاته
قلبى كان عايز يجاوبه بس صوته
لما حاول ---- ضاع فى زحمة تنهيداته
شوف يا صاحبى
كل ضحكة حب عطشانه امان تطرح دموع
مش ندم على حب كان
لأ عشان صعب الرجوع
مفيش إختيار
الصمت نار
و الكلمة نار
وانا من زمان يا صاحبى ضاع منى القرار
امى نست ترسم لعينى شكل كلمة لإختيار
شبيت كده متبعترة منى الخطاوى
مفيش فى قلبى غير ألم ولا ألف ضحكة تغلبه
و مفيش فى جيبى غير ألم
أكتب بيه شعر و أشطبه
أكتب بيه شعر ------- و أشطبه
|