*الحلقة الاولى*
كتيير اوى عديت قدام قصر البارون..كتير اوى كان نفسى ابقى جواه..
افتكر كلام اختى عن القصر انه بيلف مع الشمس..وكلام اصحابى عن
العفاريت..
كلام الجرايد عن عبدة الشيطان..ولما بقيت جواه..؟!
{القهوة}
انا واصحابى قاعدين ع القهوة.
(س) يقص حكايته عن زيارة قصر البارون.
وهو من اوحى لى بفكرة زيارته..حكى لنا باسلوب مسرحى عن الظلام بالداخل.
عن ضعف اضاءة كشاف الرجل الذى صاحبهم الى الداخل.عن
الخفافيش التى كانوا يخشونها.وعن انهم<(س)واصحابه> لازم
يمشوا فى مجموعة لان اخر واحد هيتاخر عن المجموعة..
العفاريت هتشدوا..!!
:D
ماتيجوا ندخل القصر!!
يوم الجمعة اتفقت مع (ص)ان نزور القصر فى العاشرة والنصف مساءا.
جهزت كاميرا وكشاف صغير.ونزلت دون ان اخبر امى بوجهتى.بعض
الاماكن فى وجهة نظرى يصعب ان اخبر بها امى لانى لا اتوقع رد فعلها الذى مهما
تخيلته لن يكون(تروح وترجع بالسلامة)..ومع انى لم اكن خائفا من هذا
المكان الذى يقع على شارع رئيسى يشيع فيه صوت السيارات طمانينة
فى نفسى.
المهم..السور الرئيسى امامنا وثم منطقة جرداء موحشة كانت كما يبدو
حديقة رائعة .ثم القصر ولا اخفيك قولا. شكل القصر يخوف بالليل.
الاضاءة الحمرا المسلطة على
زخارفه تشيع نوعا من الرهبة
فى النفس..
طب هندحل منين؟!
لا اعرف حقا..جولة سريعة حول
سور القصر.الذى يقع فى شارع النزهة بمصر الجديدة تحيط به
غربا عمائر سكنية ويقع
فندق البارون جنوبه.والسور الموجود
حاليا عبارة عن سلك شائك
هزيل قطع فى اغلب اجزائه من
الناحية الغربية.اظن ان هذا هو
الطريق المناسب.ولان الخوف قد
بدا يتسرب لى.اخرجت محمولى.
لاتصل باحد الاصدقاء الذين
دخلوا القصر قبلنا..
-(ايوة يا... انت مش قلت لنا ان فيه راجل دخل معاكوا القصر؟!)
-(ايوة ده الحارس)
-(انا لفيت حوالين القصر وملقتش حد)
-(انت فاكر انك داخل ملاهى..نط من فوق السور هتلاقسه على باب القصر نفسه)
-(انت متاكد؟!)
-(انت خايف؟!)
-(هياخد مننا كام؟!)
-(لو اتنين هياخد كتيير)
المسافة من السور الى القصر ليست كبيرة.لكن افتكر
كلام اصحابى عن العفاريت..