اولا محدش يقدر ينكر مكانه الدكتور احمد خالد توفيق
انا قريت المقاله دي قبل كدا
حاليا فيه فكره عامه عن الشباب انه مستهتر
او زي ما بيقول الكاتب شباب عايز الحرق
رغم ان فعلا مشكله الشباب اساسها المجتمع
اولا كطريقة تربية
العادات بتتغير واساليب التربية بتتقدم
واحنا فعلا لسه عايشين ع طريقه لازم يتربوا ويتعلموا الادب سواء بالفلكه او بالعصاية ...الخ
ثانيا زي ما بيقول الدكتور احمد خالد مسبناش مثل او قدوه الا وشوهنا صورته
سعد زغلول كان بيشرب عبد الناصر كان ديكتاتور وحمار
طه حسين كان كافر العقاد مغرور
ايه المتوقع من جيل نشأ ع كدا
وثالثا برضه زي الكاتب ما قال نظام التعليم مبني غلط ف مصر
المفروض ان اي نظام ف العالم بيشوف ايه احتياجات السوق وع اساسها بتكون متطلبات التعليم مش العكس
والنتيجه فعلا ان القهاوي مليانه بخريجي الهندسه والتجاره والاداب والطب كمان
دا غير فعلا ان كام واحد ف جيلنا دا بيقرا كتب خارج النظم التعليمة
واظن ان دا برضه خطأ ع عاتق المجتمع زيه زي الشاب
طريقة التعليم بتكره اي انسان ف الكتب
بيعتبرها تعذيب مش تعليم
اخيرا المجتمع سبب لفقد اي شاب الثقه ف نفسه
نظام اوحد سائد من 25 سنة
صوت اي فرد بالمجتمع شبه معدوم
فاي واحد ناشئ ف المجتمع
حيتربي ع اللامبالاه والاحباط بس
شكرا ع الموضوع الجميل
اه صحيح فيه حكمه بتقول
الانسان لا يصنع نتيجه للظروف ... الظروف يصنعها الانسان
امممم
يعني المفروض الانسان يحاول
مظنش اني حاولت قبل كدا :D