[Dr.Mai]

كتبت الموضوع دهلانه بصراحه خطير جدا
كلنا عارفين ان كل عمل ابن آدم له الا الصوم فهو لله وهو يجزي به
وعارفين كمان ان صيام يوم بيبعدنا عن النار سبعين خريف
طيب انتو عارفين ليه المسلسلات بتكتر في رمضان؟



السبب واضح جدا
عشان صيام طول النهار يضيع
عشان ماتستمتعش بالدرر اللي فيالشهر ده
طيب تعرف البقره بتتقرأ في كام دقيقه
البقره 3 أجزاء وتقدر تقرأها في ساعه علي الاكثر
طيب بدل ماتقعد تتفرج علي المسلسل أو المسابقه أو الفوازير
ممكن تقرأ قرآن
كنت باتكلم مع واحده صاحبتي النهارده واقولها ازاي باقضي يومي وهي بتقول لي " انتِ ازاي بتقدري تستمتعي باليوم من غير مسلسلات أو أفلام ده أنا باستني مسلسل بفارغ الصبر"
تخيلوا ان في ناس عمرهم ماختمو القرآن في رمضان
ليه؟
لان المسلسلات واخداهم
تعرف يوم ماتحب انك تثبت انك قوي مين أول حد تثبتله كده؟؟؟؟


نفسك
اثبت لها انك أقوي منها ومن الشيطان ومن رغباتها ومن اللي عاوزين يبعدوك عن ربنا بالمسلسلات
قول لربنا يارب انا باحبك أكتر من كل شيء
يارب انا اتغلبت علي نفسي عشان أكلمك "من أراد ان يكلم الله فعليه بالصلاه"
قول يارب انا سبت المسلسل عشان تكلمني "من أراد أن يكلمه الله فعليه بالقرآن"
شوف بعدها ربنا هيعوضك ازاي
من ترك شيئا لله أبدله الله خيرا منه
وحط المقوله دي دايما قدام عينك
إذا أردت أن تعلم من الله مقامك فانظر فيما أقامك
معلش طولت عليكم
جزاكم الله خير الجزاء وياريت نقضي رمضان وبعد رمضان من غير مسلسلات