اولا السلام عليكم
مفيش حاجة اسمها سؤال اهبل او عبيط اي حاجة تحبوا تسألوا عنها متترددوش ثانية واحدة اوك
نبتدي نجاوب
اول سؤال
*********
الهيكل بيستخدم في اولي و تانية فقط بعد كدا لا بس في ناس بتحب تحتفظ بيه انا كنت جيبته من المشرحة و قالولي بعد ما تخلص تجبية و تاخد بتاع سنة تانية
( انا شخصيا مستخدمتهوش خالص كنت جايب اطلس تشريح و اريح بدل موضوع العظام دا )
ثاني سؤال
*********
كتب الام سي كيو بيجي منها في الامتحان بل بالعكس اغلب الامتحان بيكون منها
ثالث سؤال
********
الصراحة انا جربت الموضوع دا بس مش كتير بس في ناس كتير بتحب ان اي حد يسألها عادي و في السكاشن هتلاقي المعيدين متعاونين جدا و مسألة الدروس دي مش بتفرق معاهم .
رابع سؤال
*******
هو الصراحة ينفع بس اكني مقولتش حاجة علشان محدش بيقول ان انا بحرضكم بس انت لو لقيت نفسك بتفهم من الدكتور احضر بس السكاشن منصحش حد يسيب سكشن الفيسيولوجي مهم جدا غير الغياب بتاعوا لكن المشرحة من الزحمة ممكن متشوفش حاجة بيكون حوالين كل ترابيزة اكتر من 30 الي 40 واحد
خامس سؤال
*********
الامتحانات مش مفاجئة اوي هي بتكون محددة يعني تقريبا اول امتحان بيكون بايو بعد حوالي 7 اسابيع
هاقوليك حاجة البايو لية اربع امتحانات في السنة اتنين كل ترم الاول كان بعد لما خلصنا لحد صفحة 70 في الكتاب دا تقريبا امينوجلوبين
و الاناتومي امتحانين واحد قرب نهاية الترم الاول بحوال 7 درجات و التاني في الترم التاني
الفسيولوجي امتحان صغير بيكون عن العملي 10 ترو اور فالس ب 5 درجات تقريبا بعد البايو باسبوع او اتنين و اخوه في الترم التاني
الهيستولوجي بيكون امتحان من 10درجات في الترم الاول بعد البايو ممكن ب 3 اسابيع
المشكلة ان ممكن تلاقي كله جية ورا بعده انا الترم الاول امتحنت 3 امتحانات في 10 ايام
سادس سؤال
************
يكفي جدا بشرط تكون بتذاكر الحاجة بضمير
سابع سؤال
********
بصي البايو دي مادة مش رخمة بس عايز مذاكرة بالورقة و القلم زي ثانوية عامة و عايزة تكرار لو عملتي كدا هتجيبي امتياز مستريح و انتي بتزاكريها حاولي تستجمعي الموضوع كله الي الحاجة ديه بتتكلم عنها من ذاكرتيك
ثامن سؤال
********
لا مش شرط ترجمة حرفية
تاسع سؤال
********
لا مش جد ولا حاجة بس في حاجة مهمة في البداية الرتم بيكون بطئ جدا لكن في ظرف ايام معدودة هتلاقي الجري بداء فتاخدي باليك من الموضوع دا
عاشر سؤال
*********
الصراحة موضوع القاموس دا معرفوش بس انا كنت جبت و احد ب 75 جنية من برا الكلية اسمه القاموس الطبي الوجيز بس مفيش حاجة مكانتش فية كمان في جزء فية بالعربي
السؤال الحادي عشر
****************
لا مش مطالبين بيها بس دا للتوضيح و احسن رسومات في كتاب سامح دوس بس شرح كتيررررررررر
السؤال الثاني عشر
***************
عادي تحضر سكشن كش بتاعك مفيش فيها مشكلة بس ساعات فس الاناتومي بيقولك لا علشان الزحمة بس الموضوع دا بيحصل كل فين و فين
السؤال الاخير
***********
حقوق الانسان نجاح و رسوب و ملهاش دعوة بالترتيب
الانجليش و الكمبيوتر بيدخلوا في المجموع و الترتيب
لو عندكم اسئلة تانية انا موجود
آخر تعديل بواسطة romel2007 ، 26-08-2008 الساعة 07:32 PM
|