يا جماعة انا معاكم وبقول نعم نعم لتحريك الدعوة
لاسباب كتير جدا وكلنا عارفينها
واحب اضيف
اولا: انى خربج كلية تربية قسم جغرافيا بتقدير جيد جدا يعنى تربوى وتخصص
هل لو رسبت فى هذا الامتحان تعتبر الشهادة الجاميعة بتاعتى لاغية ؟ ازاى ؟ او ليس لهذة الشهادة اهمية او قيمة ؟
يبقى يجيب الوزير ناس من برة من الدبلومات وغيرها ويمتحنهم واللى ينجح يعينة احس من الدراسة فى الكليات وتعبنا اربع سنين فى الجامعة؟
ثانيا: عندما دخلت كلية التربية كان قدامى ادخل قسم لغة عربية وما رضيتشى ادخلة علشان انا ما بحبش النحو نهائيا.
والظريف عندى عندما دخلت ثالثة ثانوى وانا راكب عبارة مائية التى تفصل بين قريتى والمدرسة سالت زملائى اللى كانو راكبين معايا يا جماعة هو النحو علية كام درجة قالوا: 10 درجات قمت برمى كتاب النحو فى النيل وقلت يناقص 10 درجات؟
ازاى جاااااااى الوزير دلوقتى يمتحنى فى العربى والنحو ؟
ثالثا: ازاى انا هدخل امتحان وانا مش عارف امتحن اية ولا معايا كتاب اذاكر منة؟ مع العلم انى دخلت امتحان icdl والحمد لله نجحت فية مع انة بالانجليزى بس فية كتب ذاكرت منها وجات منها الاسئلة ؟
رابعا: ازاى امتحان 3 مواد او 3 فروع كلها فى زمن واحد ووقت واحد وكراسة واحدة؟
خامسا: انا راجل كنترولست اى طول عمرى شغال فى الكنترول من يوم ما انا اتعينت ولو لقينا ورقة طالب كاتب جزء من الاجابة بالرصاص تقبى مشكلة ومش بعيد احول الملاحظين للتحقيق ؟ ومش بعيد الطالب يشتكينا اننا مسحنا الاجابة بتاعتك ومش بعيد حاجات كتير .
ازاى انا امتحن الكادر وكل البيانات والاجابات بالرصاص ؟ مش بعيد حد يمسح رقم الجلوس بتاعى ويكتب رقم غيره بتاع واحد مسنود او واحد من اولاد الناس الكباااااااااااااااار .
سادسا: دخلت الامتحان وكانت كراسة الاجابة سيئة الطباعة بدرجة كبيرة جدا ؟ وطلبت غيرها قالو مفيششششششششش؟
واسف على الاطالة
بس دة كان جوة نفسى وحبيت افضفض بية علشان ما امتشى وانا كاتمة فى نفسى
|