[reda_mafia50]

المشاركة الأصلية كتبت بواسطة Precious

اولا احب اشكرك كتييير و احييك على الفكرة الاكتر من رائعة
انا جايبة صور لعروس النيل (المنصورة) (بينى و بينكم هى ولا عروس نيل ولا حاجة دى بقيت زحمة و ديقة و حر و مش نديفة و كل المحافظين اللى بييجو هنا يستاهلو الحرق بصراحة بس ما علينا)

الصور دى بعضها بس انا اللى مصوراها

ميدان المحافظة و اللى واقف دا تمثال ام كلثوم

ميدان المحافظة بس بعد التحديث

و دى المحافظة

و دا التمثال

نيل المنصورة العظيم

و دا النيل الصبح..بس الصورة دى متاخدة من طالخة و اللى هناك دى المنصورة

كوبرى القطر

اللى فوق دا يبأى كوبرى القطر .. عشان نبأى جبنا الكوبرى من فوق و من تحت

و صورة كمان

و دا منظر رومانتيكى بس بايظ

و دى صورة طايشة من الكوبرى مالكوش دعوة بيها

و دا شارع المشاية اللى المفروض ان هو اكبر و احلى شارع فى المنصورة و الناس بيتمشو فيه بس بأى......

المشاية الصبح..بس من اوله

و نقرب شوية ع الكورنيش فى المشاية

مش قلتلكو بأى.....
ما علينا

و دى بأى صور للجامعة

و الصورة دى خطيييييرة بمووت فيها

و دى كمان

كلية الهندسة اللى كنت عايزة ادخلها.. ان شاء الله هبأى اصور كلية الصيدلة

و ادى بعض الانشطة اللى عندنا
هبدأ ببيسين الستاد عشان انا بعشقة..بس متنخدعوش بشكله..ميته ساااااقعة

و رغم ان انا مش بحب السكواش بس مجمع السكواش دا جميييل جدااا

و دا مجمع التنيس

فعلانز..من برا هلا هلا و من جوا يعلم الله

و ادى ستاد مبارك

و عشان بس تعرفو ان مبارك مش حارمكو من حاجة..مكتبة مبارك كمان اهى

طبعا كان نفسى جداااا اجيب صور لمستشفى الجمعة لانها بجد تتتحححفففةةة ..بلكونتى كانت بتبص عليها بس من بعيد فالصور طالعة مش اوى بس ان شاء الله هحاول اجيبها

و دى كمان صور

دا شارع مش لازم تعرفو اسمه

مجمع المحاكم

و دا شارع تقريبا جنب مجمع المحاكم..و اللى هناااك دا تقريبا جامع النصر و الله اعلم ..(شفتو..اتجاهات دقيقة مفيش احسن من كدا) المهم ان دا الشارع اللى بدخل منه المنصورة لما ببأى جاية من برا

و دا جامع فى المنصورة مش عارفة اسمه او تقريبا نسيته بس مش مهم عشان انا خلااااص فصلت و الساعة بقيت 9 الصبح..كفاية كل المعلومات اللى عندكو فوق

الصورة دى مش عاجبانى اوى بس مش مهم

بس كفاية كدا عشان فيوزاتى كلها ضربت
بس هنهى بحاجة

دى صور قدييييمة جداااااا بس بحبها كتيييير

و خاصة دى

خلااااااااااااااص كدا..اتحدى اى حد يجيبلى فتفوتة انا سيبتها فى المنصورة
ان شاء الله هحاول اجيب صور مستشفى الجامعة لانها بجد جميييلة و انا بموووت فى حاجة اسمها تصوير و شارع الجلاء اللى هو شارع الجامعة عشان تعرفو المأساة اللى احنا عايشينها .. بس ادعولى اصور فى سلام و ان شاء الله هجيب كليتى (صيدلة المنصورة) دا لو فيها حاجة تتجاب اصلا..و مدرستى لانها بجد جميلة بس لسة مش صورتها
(ابقو قابلونى..لما ابأى افضى ان شاء الله)

لالالالالالالالالالالا صور جامده جدااااااااااااااا صور ماليهش حل صور جامده جدااااااااااااااا والمنصورةمش عاوزة وصف يعم وانا بشكرك جداااااااااااا على انضمام لينا فى مجمع الصور الدى .....reda_mafi50