انفلونزا وهدت عشة كنت بعمر بيها السيخ
حتى الفلفل اصفر واحمر والعنبة اتقلبت بطيخ
ابو جرنال بنقوله يا باشا والدجال بنقوله يا شيخ
متشوهة سنين الألم
متزيفة كل القيم
رافض كلامك يا قلم
سايب صاحبنا اللي اتحرق
ومال سنينا اللي اتسرق
زرق برق واستخبى في الورق
حبرك يسيل يا قلم لرقصة حلوة ع النغم
النبأ وسط الميدان دستور
بين السطور
للبنك سور
لكن حرامي في ثانية نط
لهفله ميت مليون وكت
والضحايا بس خمسة وهم ميه
اقرا وصدق هيعمل ايه قشفور
طول ما النبأ وسط الميدان دستور
حبة كوسة على ملوخية
ويسموها ديمقراطية
ويسمونا بوهم الزيف
والمسمار نلاقيه في رغيف
وهم بياكلوا اكل الشيف
واحنا بناكل ع الطبلية
يا سلام سلم ع الملوخية
صرفك سالك للي بيفسح
وصرف مدينتي دايماً يطفح
والتعليم دا صحيح مجاني
عقل عيالنا هو الجاني
والتأمين يديك بزازة
او حبة جلوكوز في ازازة
نفس النوع ع العربية يشفي الدوخة والعصبية
مهو مجاني يا مربية
قبل ما تدخل ع العملية
في التلاجة احجزلك مطرح
طريق مدينتنا بقى اسطورة
فجأة تفرقع منه ماسورة
ييجو بسرعة وفي الانجاز
يتصلح دا اكيد إعجاز
يوم والتاني بس يعدو ييجوا في نفس الحتة يهدو يقولو مفيش داعي للمة بس نسينا نحط صمولة
والله أكيد اعذار مقبولة
ليه دايماً تعذيبنا سهل
ويقولو محدودي الدخل
نفسي في واحد م اللي بيخطب
ييجي بيوتنا يعيش بمرتب
مية متين او حتى تلاتة
حتى ان عدد الأسرة تلاتة
يقدر يدفع حق النور أو حتى ايجار دايماً مكسور
او حق العيش أو حتى المية
ولازم تبقى الصحة عفية
لو ابنك نفسه في عسلية
اديله مكانها الطعمية
يلي بتخطب مش عاوزين منك اوهام
احنا بنحلم بالحنية
عاوزين نلقى بس اللقمة ويا الهدمة ويا النسمة ويا الشغل
وتراعي معدومي الدخل
في لحظة وجع