حديـث شريـف :
عن أبى هريرة رضى الله عنه قال : قال رسول الله صللى الله عليه وسلم :
" من حسن إسلام المرء تركه ما لا يعنيه " حديث حسن رواه الترمذى وغيره
صدق رسول الله صللى الله عليه وسلم .
تذكـــــــرة :
- إخوتى فى الله إحرصوا اليوم على قراءه 3 أجزاء بدايه من سوره البقره
- اجعلوا ألسنتكم رطبه بذكر الله وكثره الاستغفار والدعاء قبل الافطار
- ادعوا بظهر الغيب للمسلمين أجمعين .
يوميات صائم ( حررها مستر وليد عسكر )
اللهم اني صائم
كلمه دايما بنقولها في الشهر الكريم ده لما بنحس اننا هنترفز ونخرج عن مشاعرنا ونعمل حاجه تبطل صومنا
حقيقي كل يوم انا بخرج فيه وانا صايم ايدي بتبقي علي قلبي لاني ببقي متاكد اني هعمل اي هفوه ولو حتي غصب عني ممكن تفسد لي صومي
ولكن انا ليا اسلوب غريب شويا ... لما بحس اني هخرج عن مشاعري بعامل اللي اودامي بمنتهي التجاهل او البرود في الشهر ده ....
هو ممكن يسمي دي تلامه .. او ي اسم تاني اكيد مش هيعجبني ... بس انا بحاول قدر استطاعتي احافظ علي صومي
النهارده وانا لسه رايح الشغل ولسه بقول يافتاح ياعليم يا رزاق يا كريم الاقي سواق التاكسي وهو اعد يسب ويلعن مع سائق عربه كارو امامه واعد يشتم فيه بالفاظ لطيفه اوي .... وبعد ماخلص وصله الردح دي لقيته بيقول اللهم اني صائم ... ابن.... كان هيخسرني صيامي.... بصيت له وضحكت وقلت في سري ربنا يقوي ايمانك ...
قلت يمكن لسه الناس مش متعوده علي الصيام في الحر والناس مش ناقصه واكيد تعبانه ... المهم .. انا دايما احب اروح شغلي مشي خصوصا انه مش بعيد عن بيتي ..وانا في الطريق الاقي اتنين شباب صحتهم كويسه وكل واحد ماشي في ايده سيجاره...واستعجبت جداا من الناس اللي بتجهر بالمعصيه ..لا حول ولا قوه الا بالله ... معقول وصل بينا الحال اننا نبقي كده...القصد وصلت للشغل مالقيتش حد غيري .. وبعض الزملاء قليلين جدااا
وسالت هو النهارده الجمعه وانا جيت غلط ولا ايه .. فر عليا الموجود وقالي صيام بقي كل سنه وانت طيب
فرديت وقلت والله انا كمان صايم ليفتكروا اني فاطر علشان كده روحت الشغل..
ضحكوا وقالوا لا الناس بترتاح من الصيام في البيت ... استعجبت جداا هو من امته الصيام ضد العمل .. ده احنا انتصرنا في حرب اكتوبر واحنا صايمين وكنا في شهر رمضان برضه
ليه احنا كل حاجه في حياتنا ماشيه بالشكل ده.. ياتري انا صح ولا اللي حواليا هما اللي صح..الله المستعان
الدعاء المأثور( أعده مستر محمد الشاذلى )
الدعاء قول وعمل ..... وأسباب الاستجابه
- الاخلاص لله وترك المحرمات والاستعاذه من الشيطان كلما هفت نفسك الى المعصيه
- ان تبدأ بحمد الله والثناء عليه ثم بالصلاه على النبى صللى الله عليه وسلم وتختم بذلك
- الجزم فى الدعاء واليقين بالاجابه
- الالحاح فى الدعاء وعدم الاستعجال
- حضور القلب فى الدعاء
- الدعاء فى الرخاء والشده
- رد المظالم مع التوبه
نحبكم فى الله
لا تنسونا من صالح الدعاء
فى امان الله