- حديث شريف ( إختارته لكم مس فاطمه )
عن ابى هريرة رضى الله عنه ان اعرابيا اتى النبى صلى الله عليه وسلم فقال : دلنى على عمل اذا عملته دخلت الجنة ، قال : " تعبد الله لا تشرك به شيئاً وتقيم الصلاة وتؤتى الزكاه المفروضه وتصوم رمضان ، قال والذى نفسى بيده لا أزيد على هذا فلما ولى ، قال النبى صلى الله عليه وسلم : " من سره ان ينظر الى رجل من اهل الجنة فلينظر الى هذا " .
رواه البخارى
- تذكــــرة
- إخوتى فى الله لا تنسوا دائما السؤال عن والديكم
باستمرار والاكثار من الدعاء لهمافى هذا الشهر
الكريم فهذا من بر الوالدين
- اليوم باذن الله سنتابع قراءه ثلاثه اجزاء
( الرابع والخامس والسادس)
بالله عليكم وأنتم تقرأون القرأن تدبروا معانيه .
- أكثروا من الدعاء قبل اللإفطار .
يوميات صائم ( حررها لكم مستر وليد عسكر )
رمضان كريم....
اللله اكرم......
تعبيرات مصريه بتتقال في الشهر الكريم ده...
واحيانا بتتقال بداعي او بدون داع........
معروف ان شهر رمضان شهر عباده وبتتجلي فيه اسمي معاني الروحانيات وبيكون باب للتوبه والمغفره....
والحكمه من الصيام مش مجرد امتناع عن الطعام والشراب ولكن الصيام بيهذب النفس ويسموا بالروح وبينمي جوانا اروع لحظات الخشوع بين يدي الله واهم شيء بنحسه كلنا انه بيغير كل العادات السيئه اللي كنا متعودين عليها.....ا
وده اللي عاوز افضفض معاكم فيه .... لاني بصراحه مبعرفش اشوف حاجه غلط واسكت ..بحس اني مخنوق..يمكن لما اتكلم معاكم ارتاح والاقي قبول لكلامي معاكم......
كل يوم هنتكلم عن عاده في حياتنا قبل الصيام وبعد الصيام.... هي بتكون ازاي ... واحنا عاوزينها تبقي ازاي.....
عاوزين نتغير ... نبدا بدايه جديده....والله لو نعرف فضل رمضان لنتمني ان السنه كلها تكون رمضان......
اول عاده هنتكلم فيها هي عاده التدخين والقهاوي والسهر في الخيام الرمضانيه.......
والقهاوي ما اكترها في بلدنا......تجار الدخان والميه السخنه بيكسبوا كتير اوي.... لكن بيجوا في الشهر ده وبيشتكوا ... ده رمضان هيقطع عيشنا طب هنعمل ايه؟
يقوم كل صاحب قهوه يعمل حاجه لطيفه اوي .... يشتغل بالنهار... هتقولي ازاي والصيام والناس ... ونظرات الاحتقار لرواد القهوه.... فهو بفطنته كده يقولك انا اعمل ستاره ولا من شاف ولا من دري وبكده حافظ علي مشاعر روواد قهوتي ولا اؤذي مشاعرهم من نظرات السخط من الماره.....
يااالهي ....بتحافظ علي مشاعر الناس الفاطره والناس الصايمه مش مهم... طب وريحه الدخان والمعسل والقرف والهباب اللي بيشربوه ماكل اللي رايح واللي جاي هيشمه ولو واحد مدخن او كان من رواد القهوهوكان صايم مر عليك ممكن تعمله فتنه وتخلي نفسه تضعف ويدخل مع زبانيه جهنم اللي عندك في القهوه...هي دي مالهاش تمن عندك ولا ايه ؟ الشيء المحزن كمان اصحاب الملاهي الليليله علشان مايقفلوش في رمضان بيتحولوا بقدره قادر الي اصحاب خيام رمضانيه وكده يبقي الشغل شرعي ميه في الميه(يادوبك غنا ورقص بملابس شرعيه )!!!! يعني سعادتك هتدخل بليل وتحافظ برضه علي نفسك ومش هتعمل حاجه غلط ...يادوبك تخت شرقي ومطربه وامان ياللللي وتستمتع بالسحور في اجواء رمضانيه جميله علي حد وصفهم ..بس كله في حدود الاسره!!!!احنا في رمضان.....ولازم نكون محترمين....
هو ليه احنا بنحلل الحرام بسهوله كده ؟ ليه دايما كل حاجه عندنا ليها تبرير ؟ليه علشان مانخسرش شويه فلوس بنخسر علاقتنا بربنا اللي ا ادالك الفلوس وقادر يشيلها منك ؟
محتاجين نتغير ونغير في اللي حوالينا
يا مدخن ...جاتلك فرصه علي طبق من ذهب انك تمتنع عن التدخين تقوم ترفضها ؟ وياباحث عن الملذات في الكباريهات وسط السكاري والساقطات تعرف انك لو وافتك المنيه وانت في المكان ده هتبعث علي ماكنت عليه ؟
ربنا بيديك فرصه تتغير .... ارجوك فكر بعققك وقلبك ازاي ترضي ربك في الشهر ده وصدقني بعدها صعب ترجع تاني علي ضلالك....هدانا الله واياكم والسلام عليكم ورحمه الله وبركاته
دعاء مأثور ( مستر محمد الشاذلى )
دعاء سيد الاستغفار
" اللهم أنت ربى لا إله إلا أنت خلقتنى وأنا عبدك وأنا على عهدك
ووعدك ما استطعت أعوذ بك من شر ما صنعت أبوء لك بنعمتك على وأبوء بذنبى فاغفر لى فإنه لا يغفر الذنوب إلا أنت "
نحبكم فى الله
لا تنسونا من صالح دعاؤكم
فى أمان الله