أولا :: دى مقارنة تشريحية بين الموبايلين
http://www.gsmarena.com/compare.php3...&idPhone1=2177
طيب نقول ال pros والcons بتاعة كل واحد بعد كدة أقول الرأى النهائى
أولا : الn82 أحدث فى تاريخ الصنع بحوالى سنة ... موبايل جديد وأنا مسكته ولعبت بيه للصبح ..
ثانيا بالنسبة للصوت .. فممكن أقول الn73 أعلى سنة ... بس الn82 أنقى ...
ثالثا: بالنسبة للcars slot فال n82 بيشيل لحد 8 جيجا من غير بطئ ولا تهنيج ...
أما ال n73 بيشغل كروت إسمها mini sd مش micro sd بيشيل آخره 2 جيجا مع وجود مشاكل و, و و
رابعا : لو عملنا مقارنة بين سرعة الجهازين الn82 يضرب الn73 بالنار... ليه
ARM 11 332 MHz processor عشان البروسسور بتاعه متقدم ...رامته ضعف الn73 وال internal memory أكتر من الضعف
نيجى لل Features من حيث آداء الجهاز و تعدد وسائل الاتصالات..
أولا::ال n82
Symbian OS 9.2, S60 rel. 3.1
بينما ال n73
Symbian OS 9.1, S60 3rd edition
يعنى ال n82 متطور عنه فى نظام التشغيل ..
نيجى بقى لنقطة .. تخلى عنينا تحول ...
ال n82 فيه wlan يعنى إيه؟؟؟!!!
يعنى فيه wireless lan ... زى اللى فى اللاب توب ..
الخاصية دى فظيعة .. أنا وواحد صاحبى كنا فى الجامعة وكان فيه wireless
دخلنا على النت (ببلاش طبعا :D ) وفتحت موقع الثانوية وكانت ليلة,,,
الخاصية دى أنا ممكن أجيب موبايل مخصوص علشانها :D
وطبعا النت العادى فى n82 متفوق ببشاعة .. مفيش مقارنة ..
نيجى بقى للكاميرا ... هنا ممكن نقول wow للصبح :D
كاميرا ال n82 5 مسجا بكسل ..
يعنى كأنها كاميرا ديجتال مصغرة ..
تانى حاجة فيها زينون فلاش (اللى مش موجود فى ال n73 )
دة فلاش اللى بينور أحمر كدة ويصور بأمانة رهيب ..
فيه أهم حاجة فى الكاميرا اللى بتدمر بيها ال n73 تدميرا شاملا وتحنيها خجلا .
إن تصوير الفديو فى ال n73 بجودة qcif .. إختصارا للشراح دى جودة زبالة جدا ..
إنما ال n82 بيصور بجودة فيجا qvga 30fps دى يعنى بيصور زى الكاميرا الديجتال الجديدة
أنا مجرب الكاميرا والكاميرا حكاية فعلا .. مهما قولت مش هاوفيها حقها ..
نسيت إيه تانى يا أنس .,,.
آه حاجة بشعة تانية (يا ستير يا رب)*
ال n82 فيه Built-in GPS receive و Installed Maps application
يعنى إيه ..
يعنى بيجيب خرايط وأنت واقف فى أى حتة ...
أنا واقف فى مكان بدوس على الخاصية دى جابلى الشوارع كلها بأسمائها (من غير نت ببلاش )
وجابلى آسماء المطاعم اللى جنب المنطقة دى وعنوانها ويوريهالك على الخريطة ... يخربيت الفٌجر :D
نسيت إيه كمان ..
آه ال n82 فيه - 3.5 mm audio output jack
- TV out
يعنى إيه
ال - 3.5 mm audio output jack
معناها إن السماعة بتاعة الكمبيوتر وأى هيدفون يركب فيها من غير وصلة
يعنى حضرتك تجيبى السماعة بتاعة الكمبيوتر الصب وتوصيلها فيه مباشرة
وطبعا ال tv-out معروف ...
يعنى بجيب وصلة بشغل أى حاجة على الموبايل على التلفزيون
يعنى ممكن أحط فيلم على الموبايل وأعرضه على التفلزيون :D
ناقص إيه تانى يا ربى دا أنا عرقت ..
آه ناقص ال - Accelerometer sensor for auto-rotate اللى بيميز ال n82
البتاعة دى كنت بلعب بيها marble الناس إفتكرتنى عبيط وأنا عمال أحرك الموبايل والكورة تتحرك :D
البطارية يتفوق فيها ال n73 قليلا ...
والألوان ال n82 فيه 16 مليون لون عكس ال n73 فيه 265 ألف تقريبا
-------------------------
ال
conclusion
مش محتاجة شرح بعد كل دة بصراحة :D
ال n82 يضرب ال n73 بالجزمة ويولع فيه بجاز مش نضيف ..
وأنا شايف كمان إن شكل ال N82 أحلى بكتير وأخف ومش كل الناس ماشية بيه يعنى زى ال n73
دة الناس بتصحى تفطر وتشترى n73
أتمنى أكون أفدت حضرتك وأى إستفسار أنا جاهز