اه اعرف..بما اننا في شهر رمضان..الشهر الكريم..فدي احسن فرصه للاقلاع عن اي عاده سيئه مهما كنا متعودين عنها..ومفيش اوحش من عاده التدخين عشان نتخلي عنها..طبعا طول النهار مفيش تدخين..فما رايك حضره المدخن ..لو خدنا من وقتك شويه..شويه للتفكير..احنا نسال وانت تفكر وتجاوب بينك وبين نفسك..حضرتك عندك نيه سليمه ونفسك انك تبطل تدخين؟؟معلش هجاوب بالنيابه عنك..[يعني ...مفكرتش لسه..او مبفكرش اصلا] غالبا هتكون دي الاجابه..تحب اخليك تفكر وتفكر كمان بجديه انك تسيبها..ممكن حضرتك تتخيل كدا نفسك وانت عمال تشرب الخساره قصدي السيجاره.وهي عماله تحرق فصدرك ورئتك الخ الخ..طبعا كل واحد فينا له طاقه تحمل..فتخيل فيوم طاقتك نفذت خلاص جسمك اشتكي ومعدش قادر يستحمل..تخيل انك قاعد عاجز فالمستشفي ولا قادر تتحرك ولا تتكلم حتي واهلك وولادك حوليك بتسيل دموعهم خايفين يتيتموا..ولو ربنا كرمك وقمت هل هتبقي بنفس الصحه اللي كنت عليها؟؟ولا هتبقي قاعد فالبيت عاجز ولادك بيعيطوا تعبانين وانت مش قادر تنزل تجيبلهم اكل او علاج..واحتمال [كبير الصراحه]ان عمرك ينتهي ومعنتش ترجع للحياه..ساعتها هتقابل ربنا وتقوله ايه..محفظتش علي الامانه اللي ادتهالي اللي هي الروح وقتلتها بنفسي..ولا اولادك تخيلهم بقي مشردين فالشوارع وزوجتك بقت خادمه او خياطه مش قادره تصرف علي اولادها..ولو انت شاب مصيرك برده هيقي ايه؟؟صحتك اللي بتتباهي بيها هتبقي في النازل ..شكلك ولا كان عندك 70 سنه..شغل ولا هتقدر تشتغل..اهلك كل يوم بيتحرق قلبهم وهما شيفينك بتموت واحده واحده..دا بدل ما تريحهم وتسعدهم..دا رد الجميل؟؟؟ممكن حضرتك بقي تقلي بتشرب السجاير ليه..؟؟[بتهدي اعصابي..ياجماعه الضغوط عليا كتير] خلاص دي حجه حضرتك..احب اقلك ..انت بتضحك علي نفسك..ايوا بتضحك علي نفسك..لان الدراسات العلميه اثبتت ان السجاير بتزيد التوتر العصبي مش بتقلله؟؟خلاص حجتك اتكشفت..ممكن اسال بقي الاطفال او الشباب ليه بيدخنوا؟؟[بعمل زي بابا..عادي يعني..بجرب..حب استطلاع] هي دي الحجج بتقلد بابا في ايه؟؟في حاجه مميته طيب خليك انت بصحتك عشان لو بابا حصله حاجه تشيل انت عنه المسئوليه..بتجرب بتجرب ايه؟؟بتجرب تجربه فاشله اخرها الموت..مفيش تفكير خالص؟؟ممكن طلب صغير..ممكن تقوا ورايا ..انــــــــا عبـــــــــد..ايوا عبد كلنا عباد الله اما انت عبد السيجاره..بتسيطر عليك وبتحرق فلوسك وبتدمر صحتك..وانت سيبها..تبقي عبد ولا لا؟؟ممكن تقلي حاسس بايه دلوقتي؟؟كرهتها ...عرفت انك لازم تبطلها..ممكن تنوي بقي انك تبطلها..خلاص بقت عندك النيه بجد..لو بقت عندك النيه اعرف انك علي اول الطريق للاقلاع عن الادمان..لان عشان تقلع لازم تكون مهيأنفسيا ودي اهم حاجه..بعدها ابد صلي وادعي عشان تكسب تأيد ربك..وافتكر كويس ان للصائم دعوه لا ترد..فاستغل الفرصه دي وبالله عليك متفوتش رمضان وانت لسه بتشرب الملعونه دي..ممكن نبدا العملي..ايه رايك لو كل يوم قللت السجاير اللي تشربها فاليوم خطوه طوه لحد ما تبطل خالص..لان اللي بيقلع مره واحده بيرجع بسرعه..حاول تبعد عنها..وكل ما تكون عاوز تشرب..افتكر ربنا وانك ممكن تموت وانت بتشربها هتقابل ربنا ازاي؟؟افتكر كلامنا وايه اللي هتعمله فيك..صلي ركعتين..اقرا قران..وافتكر ان مفيش حاجه اسمها مستحيل..جرب الادويه اللي بتساعد علي الاقلاع..العب رياضه..حاول تشوف حد بيدخن زيك ووتعاونوا سوا وتبطلوا تدخين وتشجعوا بعض..ولما ربنا يسهلك وتحس انك خلاص مش هترجعلها اقعد مع ناس بيدخنوا وشوف هتضعف ولا لا ..لو ضعفت حاول تاني ومتياسش..ولو خلاص معنتش راجعلها..ابدا صفحه جديده وافتح صدرك للحياه ..وقول للناس كلها خلاااااااااص انا حر..ومتنساش تخلي اللي حوليك زيك..احكلهم عن تجربتك وازاي بقيت احسن..وربنا يوفقنا ويكون رمضان السنه دي[ رمضــــــــــــــــان بلا تــــــــــــدخين
__________________
some body is me
|