انا مش متردده انا قدمت خلاص والموضوع دلوقتى متوقف ع المدينة الجامعية
بس لو متقبلتش هحول خاصة
طبعا المعاد هيبقي اتأخر فى التقديم ع الخاص بس الناس دى الماديات هتمشيها
المشكلة ف المدينة الجامعية ان اكتوبر ضمن القاهرة الكبري بس والله ساعتين لحلوان لو المواصلات ماشية وانا صحتى متجيبش
رحت كلمت امينة الجامعة قالتلى بلاش دلع بنات !! هو 4 ساعات ف اليوم مواصلات ده دلع ؟؟
يعنى سدس اليوم ضايع ده غير انى هصحى بدرى جدا وهرجع متأخر وتعبانة
انا كنت النهارده ف الجامعة خرجت من بيتنا 8 ولسه راجعة ومرحتش مكان غير الجامعة وهناك بهدلونى الله يسامحهم
طوابع من مكان وبعد ما اروح المدينة يرجعونى الجامعةتانى اصور ورق واروح امضي منين و و و و
حاجة هم
ايه وجع القلب ده ،،
وبعدين عاملينلى مشاكل علشان مطلعتش البطاقة
طيب انا عاوزة اطلعها ولما رحت للجامعة قالولى بعد شهر نمضيلك
ومش راضيين بجواز السفر حتى
ناس مكلكعه
ده حتى الطلاب ذات نفسهم عيال مكشرة كده
كل ما اجى اتعرف ع واحدة الاقيها قافلة اوى وهتقوم تضربنى
واللى صاحبتها من اول خروجة معاها اكتشفت انها (مسخرة)
والكلية ف اخر الجامعة
ايه الظلم ده حراااااام
معلش يا جماعة بس انا بجد اتخنقت ولسه راجعة بقي ومشحونة
ده انا بقيت مقيمة ف الجامعة دى
كل يوم رايحة وبردو يعملوا مشاكل ويرجعونى تااااانى
عاوزة اعيـــــــــــط