كلامي باللون ده
-------------------
بسم الله الرحمن الرحيم
في البداية فكرة القلة المندسة وهو اسم على الفيس بوك
وكان هدف الجروب على الفيس بوك مناقشة أوضاع مصر كأكل
ولكن فى المنتدى وهدف الجروب هو مناقشة أوضاع المنتدى ومحاولة عرض المشكلات وإيجاد حلول لها وبالتالى قام 30 عضو على مدار الاسبوع الفائت بعمل مناقشات ومحاولة حصر أكثر المشكلات التى تواجه المنتدى وبعد عدة مناقشات تم تلخيص تلك المشكلات مع وضع بعض الحلول والمقترحات الخاصة بها
أولى تلك المشكلات التى وجهتنا
1-) ترك الاعضاء للمنتدى
وده بيكون أما
(للفت الانتباه - الشعور بالاحباط - الانشغال)
والحل محاولة أقناع الأعضاء بالبقاء فى المنتدى ويكون هناك وعود جادة بالتصحيح والتغيير
أما بالنسبة لمن يحاول لفت الانتباه من خلال انا راحل وبدون أبداء أى أسباب فده يفضل تجاهله
لأنه فى المقام الأول بيحاول يلفت الانتباه ليه ليس أكثر ولا اقل
تمام الحل ده .. بس التغير فقط هو اللي هيخلي اللي عايز يمشي مايمشيش ..
2- التجاهل من بعض المشرفين وعدم ردهم على بعض تساؤلات الاعضاء
الحل
يكون فيه التزام من المشرفين بالرد على استفسارات الأعضاء وعدم تجاهل شكواهم حتى ولو كانت بسيطة فى حالة تجاهل شكوى اى عضو من قبل المشرف على العضو الشاكي الذهاب الى الإدارة مباشرة لا استفسار عن طلبه وأعلام الإدارة بتجاهل المشرف الفلاني له
تمام برضو .. بس انا لو عايز اشتكي اعمل ايه .. ابعت لمين يعني .. استاذ عصام مثلا ولا اعملي موضوع زي ماكله بيعمل .. مع اني بكره اوي حكاية ان كل واحد اتضايق من حاجة يعملها موضوع وخلاص .. لو في موضوع مخصص للمشاكل و الأداريين مهتمين بيه فعلا يبقى كده تمام ..
3- قلة دخول بعض المشرفين ( قد تصل الى الانعدام)
يقوم السيد مدير المنتدى او يكلف احد الإداريين بعمل فحص كل أسبوع على جميع المشرفين ومشاهدة أخر تواجد لهم وكذلك مشاهدة تاريخ أخر مشاركة لهم
اه دي فعلا حاجة مستفزة حكاية قلة دخول المشرفين دول ..امال قاعدين وماسكين في الاشراف ليه مدام انتم مش قدها !! .. فعلا المنتدى ده نسخة مصغرة من حكومتنا المبجلة !!
4- نقل الموضوعات دون سبب مقنع ( الى اقسام غير مناسبة له )
عدم اتفاق المشرفين على قرارات موحدة واعتقد ونحن نلتمس العذر للسادة المشرفين
حيث هناك وفرة فى المواضيع وزخم غير عادى فى المواضيع ومع ذلك نرجوا منهم قراءة المواضيع جيدا قبل نقلها للقسم الصحيح كما
اه ياريت فعلا يقروا كويس و ميعدوش يرموا على بعض المواضيع .. انا بحس انهم بيلعبوا ****يت مع بعض .. ده يرمي موضوع على ده وده يلقحه على التاني و قي الآخر الموضوع يطلع أوت ( يتحذف يعني ) !!
5- البعض يرى ان المنتدى ممل ولا جديد به
الحل :
ممكن نبطل موضوع النقل ده من المنتديات التانيه وفى حالة نقل اى موضوع غير هادف يحذف تلقائيا من قبل المشرف
المواضيع الكويسة بس هي اللي تفضل و الباقي .. مع السلامة
6- كثرة المشاكل (و الحكايه دى طبعا من ان المشرفين مش مصحصحين – أعضاء بتكبر المواضيع وتحاول تثير مشاكل داخل المواضيع )
الحل :
يتم احتواء المشكلة بسرعة من جانب المشرف المتواجد
أى عضو يكون ليه مشكلة واى عضو أخر يتدخل ويحاول انه يكبر الموضوع أو يتدخل فيما لا يعنيه
يتم إيقافه 3 أيام
متهيألي ايقافه 3 ايام دي صعبة شوية ..
7- عدم الاخذ برأى الاعضاء قبل تولى المشرفين مسئولية الاشراف وعدم تنبيههم لوجود اى تغييرات فى الاشراف
الحل :
يتم إعلام الأعضاء بوجود اى مشرف جديد قبل تعيينه كما حدث فى السابق مع المشرف كركركوكو حيث لم يعترض عليه احد لانه كان فى ذلك الوقت متميز فى القسم المرشح إليه
اختيار الادارى يكون ع الاقدميه اولا وكميه ردوده.....تواجده فى المنتدى مشاركاته وحب الناس ليه
زيادة عدد الادرايين حيث ان المنتدى اصبح اليوم فى اوج نشاطه وحيث ان الأقسام قد اتسعت وزادت وزاد معاها عدد الأعضاء لذلك نقترح أن يكون عدد الإداريين 7 او 8 على الأكثر
تقسيم العمل بين الإداريين بحيث يتولى كل مشرف ادارى عدد معين من الأقسام يكون المشرفين عليها مسئولين من الادارى مسئولية كاملة
عمل اجتماعات دورية بين المشرفين وبعضهم حتى نشعر بأن هناك تنسيق وإدارة
يقوم السيد مدير المنتدى بعمل موضوع يتم من خلاله مناقشة الأعضاء فى مشكلتهم فى المنتدى وعرض اى شكوى مع حل الشكوى المطروحة فى اقرب وقت
يطبق مبدأ العدل بين الجميع إداريين ومشرفين فى حالة تغيب اى مشرف او إدارى بدون عذر يتم رفع الإشراف عنه وترشيح أخر يوافق عليه أغلب الأعضاء
تمام
8-الركن العام مشكلة المشاكل والصداع المزمن فى رأس المنتدى
بعد ما أنصلح حال الركن العام لفترة وعادت لمواضيعه قيمتها عادة مرة أخرى الى المواضيع التافهة
وخاصة مواضيع (الحب) موجود على القسم العام ثلاثة مشرفين مهو المطلوب اكثر تعيين مشرف رابع وخامس وسادس وعاشر حتى نصلح حال القسم المطلوب تواجد المشرفين على القسم بصفة دورية ومستمرة وتحذير شديد اللهجة من الإدارة لهم بتنظيف القسم من تلك المواضيع كمان أننا نرجوا منهم حذف الموضايع الخاصة بالحب والألعاب والاختبارات وغيرها من المواضيع التى لاتسمن ولا تغنى من جوع من ذلك القسم والذي هو بمثابة واجهة للمنتدى
تمام برضو .. بس شديد اللهجة و الحكاية دي ملهاش اي لازمة .. لأن المشرف بيعمل كده بمزاجه فقط لاغير .. يعني مش كسبان حاجة .. فلو حب يمشي من المنتدى كله هيمشي .. ومفيش حد ليه عنده حاجة .. هو اللي يتعمل بس ان الأدارة تحدد قوانين جيدة والمشرفين يمشوا عليها بضمير .. كله راجع لضمير المشرف .. لو هو شايف انه مش أد المسئولية , يسيب مكانه لغيره .. مش حب للمنصب هو وخلاص
9-جرس الفسحة
أصبح قسم ..(غير محترم) و اللى بيحصل فيه(قلة ادب) يعنى ممكن ناس بيلعبو عادى وواحدة تيجى تلاقى اللى فرحان بنفسه و جاى يقولها اى كلمة جات على مزاجه..انا مقتنع ان القسم دا اساسى لا يخلو منه اى منتدى..بس عايزينه يبأى قسم راقى..يعنى قوانين جديدة تنزله..مثلا ممنوع كلمات معينة زى (سكر) و (عسل) و (جميل) و الحاجات دى لان فى بنات بتدايق منها و ممنوع الهزار الجامد اوى..الاقتراح: ا للموضوع دا هو منع اى حد اقل من 500 مشاركة من دخول القسم دا ..و الباقى اكيد هيبقو عرفوا قوانيننا كويس..غيرى بأى اقترح ان القسم دا يتشال خالص و انا شايفة انه لو حاله مش اتصلح يبأى احسن اننا نلغيه خالص
فعلا بتحصل فيه حاجات مش صح خالص .. وهما فاكرين انهم بكلامهم ده بيشيلوا الكلفة بينهم .. وده طبعا استهبال .. تبص تلاقي واحد بيقول لواحدة "ياقمر ياجميل ياحلوة !!" والكلام اللي انت ذكرته فوق !! هو فاكر نفسه فين !! ولأ وايه الواحدة دي تكمل عادي جدا ولا كأنه قال حاجة !!
انما بقى حكاية انه يكون اكتر من 500 مشاركة .. لا .. مش معاك خالص .. لأن اللي بيقولوا الكلام ده مش اللي اقل من 500 .. اللي اكتر من العدد ده هما كمان بيقولوا اكتر من كدة .. المحترم محترم .. ولا يعني لما يعدي 500 مشاركة هيتحول من (...) لمحترم !! فالنقطة دي انا مش معاك فيها خالص .. انا مش بقول كدا عشان أنا أقل من 500 ولا حاجة .. لا خالص .. انا اصلا مش بشارك في الموضوعات اللي فيه الا كل فين و فين واصلا كدا كدا من اول الدراسة مش هخش الا نادرا .. يعني لو اتقفل مش فارقة خالص .. بس زي ما رؤوف قال :
جرس الفسحة يعتبر من اهم موارد المنتدى من الزوار !!
للأسف
10-مواضيع الحب أنتشرة اوى فى المنتدى
خاصة فى قسم الركن العام
محدش بيعمل اى حاجة خالص ليها
ومحدش بيتكلم او بيقول اى حاجة
رغم ان
منتدى الثانوى --------->منتدى تعليمى
معاك في الحتة دي
المطلوب حذف هذه المواضيع وعدم السماح للأعضاء بكتابة مثل هذه المواضيع
هتوصل لفين؟ الله أعلم
محدش بيعمل حاجة فعلا
بيتعلق الكلام على شماعة المنتدى تعليمى وأن الاولوية ليه مع ان الأقسام الأخرى هى الأكثر احتضان للأعضاء صح
باريت نشوف رد الإدارة على الكلام ده باريت نشوف تنفيذ بجد يا مسهل
باريت نوعد مرة ونفذ عشان نحس بجد أننا لينا قيمة ومش مجرد رقم فى منتدى ياريت حتى رقم في منتدى 
!!
----------------------------------------------------------------------------------------------------------------------------
ده كان تعليقي علي بيانك ..
والله ولي التوفيق ..
حاتم سعد