[MohammeD el_SadaT]

بسم الله الرحمن الرحيم

السلام عليكم ورحمه الله وبركاته

طبعاً بخلاف الموضوع وحرقه الدم فى قراءه الردود اللى انا بصراحه مقدرتش أكملها للآخر عشان دمى ميغليش أكتر ما هو بيغلى أحب أقول وجهة نظرى المتواضعه

" ما بنى على باطل فهو باطل "
يعنى بمنتهى البساطه القسم من الأول للأخر وباء على المنتدى تقدرو تقولو كده ذنب وبنكفره
يعنى لو عاوزين حل أمثل
القســم يتحذف حذف نهائى من المنتدى وساعتها هنكسب أكترر من ما هنخسر
عارفين ليه
؟!
لو فرضنا إن اللى إحنا هنخسرهم بسبب حذف القسم 1000 عضو مش هقول 2 أو 3
هقول 1000عارف إن الرقم كبير واللى بيقرأ هيقول عليا مجنون

تخسر 1000 عضو عشان قسم
هقولك إسأل نفسك سؤال بسيط جدااااً
العضو اللى يسيب المنتدى عشان قسم زى ده إتحذف يبقى كان داخل المنتدى أكيد عشان القسم ده بالذات
ياترى بقه قسم زى ده
إيه فائده
؟!
تقدرو تقولولى ايه فوائده قسم كله لعب فى لعب حاجه كده ملهاش أى لزمه
فلما أخسر 1000 عضو تفكرهم لعب بس
وأكسب 10 أعضاء بيفكرو وبيفيدو أد ما بيستفادو هكون أنا الكسبان
و
لو كلامى غلط حد يقولى إنتى غلط

ده كان رأيى الخاص بالنسبه لقسم جرس الفسحه

نيجى بقه لرأى فى القرار اللى إنتم أخدتوه وياترى القرار ده كويس ولا لاء فى مصلحه المنتدى ولا لاء
؟!
رأى المتواضع هنه القرار ده قرار فاشل بكل المقايس وآسف على وصفى القرار بكلمه فاشل بس أنا بتكلم من واقع المنطق
أنا لو حددت زى ما إنتو بتقولو كده 500 مشاركه عشان أقدر أشارك فى القسم
أنا هعتبر نفسى جديد ولسه مشترك فى المنتدى
داخل مخصوص عشان القسم ده
هوب لقيت رساله إداريه طلعالى بالقرار هعمل ايه
هروح فاتح كل أقاسم المنتدى وماسك المواضيع بحالها
"مشكور" جميل تسلم إيدك" إيه الحلاوه دى " إلخ............"

وهجيب ال500 مشاركه فى 30 دقيقه وأنا قاعد حاطط رجل على رجل وأدخل القسم باشا أعمل اللى أنا عاوزه وبكده هبقى جيت أكحلها عمتها
بدل ما أحمى قسم جرس الفسحه من التفاهه وصلت التافهه والإنحطاط فى الردود لجميع أقسام المنتدى
وخليت المنتدى بأكمله سله للردود الغير مفهومه

ياريت يا ساده أكون قدرت أوضح رأيى

ملحوظه هامه
ياريت يكون ردنا على بعض فى الموضوع أفضل من كده وبلاش الحده فى الردود لأنى حاسس إننا قريب هنعمل إجتماع للمنتدى كل واحد وهو جاى يجيب معاه سكينه عشان نقتل بعض أصل الكلام كده مش هيبرد نارنا