والله يامستر أيمن
كان الله في عونك وعون الجميع
الواحد مش عارف حاياكل ولاَّ يأكَّل الولاد
ولا يأكّل البغبغان المسكين
إللي بقي له مدة عمَّال ينحت في القشرة
ومش لاقي حد ياعيني يحن علي بشوية برغل
هوه بقي بكام كيلو البرغل دلوقتي يامستر
أصل أنا من غير زعل كده
ومن غير ماتبلّغ عني شرطة المرافق
أوجهازالرفق بالحيوان
(هو جهاز ولاَّ منظمة ولاَّ هيئة)
المهم اتزنقت من كام يوم كده
فرحت دابح العصافير اللي كانت عندي
بحجة إنها كانت عاملة دوشة للناس اللي جنبنا
وبعيد عنك بقت فضيحة
وبقيت أتحجج زي بتوع الأكاديمية
وبتوع الوزارة وبتوع النقابة
و أقول لهم بس عشان انتم مش لابسين النظارات
بس تصدّق يا مستر
من ساعتها بقت عندي حالة غريبة قوي
كل مااشتري فرخة ألاقيها زي العصفورة
لأ وييجي الكادر يخليني مش شايف خالص
ربنا يسترها معانا ومعاك
ولايحرمنا من العيش واللحمة ولا من البرغل
ولا من البصر والبصيرة
ولا يحرمنا من التغريد
ولا يحرمنا من الكادر أيضا