يوميات فلاح
يقوم الصبح من النجمة
يصر الحلم واللقمة
ويتوكل على المولى
يشق الفاس مع الانفاس
فى قلب الارض
عشان القطن ... والهدمة
وساعة الشمس ما تعاند
يفك الحلم يتغدى
يحن جبينه يتوضا....
يؤدى الفرض والخدمة
ولما الضل يندهله
يقوم يرسم خطوط خضرا
ويرمى الحبة من ايده
يسلمها لايد ..قادرة
تنميها......تربيها
عشان تطلع عيدان خضرا
تكفى اللقمة والهدمة
كأن الارض ولادة
ومنها يتولد بكرة
ويرجع يومه من الاول
يقوم الصبح من النجمة
يصر الحلم واللقمة
ويتوكل على المولى
ويملا عينيه بزرع ايديه
ويستنى..............
عشان ترجع من الحبة
متين حبة
وياخد ستره من غيطه
يثبت بيه جدار بيته
يبات حامد ربه
ومين قده
ده بياكل اللقمة من كده
__________________
time is time was but time shall be no more
|