[Travel]

المشاركة الأصلية كتبت بواسطة precious

بصى

انا م الاول و انا بعيدة عن الموضوع دا لانى مش بحب اسال او اتسال
بس فرصة زى دى مش ممكن اسيبها تعدى كدا
و اهى حاجة تفتكرينى بيها عشان شكلى هطول عند ميرهان و مش هشوفكو كتير
لا طول ولا حاجة انا قلت هرتاح شوية منك
لاقيتك رجعتى تان
خدى شوية اسالة كدا غريبة بس اهو احسن من مفيش
لا مفيش احسن من فى

1-لو قلتلك سرخى باعلى صوت ليكى و كل الناس هتسمعك..هتسرخى تقولى اى؟
هى سرختى بقت (بالسين)؟؟
انا كنت فاكرة انى خدتها فى المدرسة بالصاد
:المهم:
هقول الاتحاد ومواجهة الازمات
يعنى المواجهة

2-لو عندك آلة زمن هتعملى بيها اى؟
هقدمها علشان اعرف اللى جاى هيبقى شكله ايه
واستعدله كويس

3-اخنارى صفة واحدة بس من دول تبأى فيكى
( الصدق - الامانة - الحب - الوفاء - التواضع - الاخلاص - التسامح )
دى ناقصانى لانى مش بعرف اسامح فى كل حاجة

4-اقتلى صفة من دول
( الكرة - الشك - الخيانة - النفاق - الغرور-الحقد - الانانية -الكذب)

5- لو قولتلك انك هاتبقى رئيسة جمهورية لمدة 24 ساعة بس
وان اليوم دا هيتكتب فى التاريخ وكل الاجيال هتشهدلك بيه
تفتكرى ممكن تعملى اى عشان ترضى شعبك كلة ؟
اواجه الغلاء اللى منتشر
اوقف عمالة الاطفال
اقيل الوزارة واحط مكانها وزارة تانية
يعنى شوية كده رغم انى مليش فى السياسة

6- لو جبتلك 4 خواتم
واحد الماظ والثانى ذهب والثالث فضة والرابع معدن
وطلبت منك تهديها ل 4 شخصيات فى حياتك ياترى هتختارى مين ؟
بصى يا ستى
الالماظ اديه لمامتى
والذهب اديه لمس/رانيا ومس/جنة
الفضة اديهولك انتى ولولو وسو
المعدن اديه لاختى

7- لو حصل ان جميع الشخصيات فى العالم كلة اتبدلوا واتلخبطوا واضطريتى تكون شخصية تانية خالص....
يا ترى هتكونى مين ..و ليه؟
اكون شخصية مسامحة ومتفاهمة
على الاقل النوعين دول يقدروا يتعايشوا مع اللغبطة واختلاف وجهات النظر

8- لو انا جبتلك طيارة كبيرة وقولتلك ان بيها هتقدرى تلفى العالم كله من اكبر دولة لأصغر دولة
وقلتلك دورى عن اى حاجة انتى طول عمرك بتدورى عليها
ياترى هتكون اى هى الحاجة دى ؟

مثلث برمودا

9-اى اكتر حاجة بتدايقك؟
لما حد يفهمنى غلط
ولما اكون بكلم حد وينفضلى
(يرجع بعد كده ويقول النت فصل)

10-مين اهم شخص فى حياتك؟
عيلتى
ماما وبابا واخواتى

11-ليه بتحبى الخناق؟
تسلية
فى البيت علشان هما معايا كده فا انا لازم اكون معاهم كده
لانى من النوع العندى جدااا
مش بحب اسيب حقى خاصة لو انا مظلومة
فى المنتدى مش بتخانق
اختلاف وجهات نظر بس
(مفيش سوابق ليا)

12-يا ترى بتفكرى كتير؟و لما بتسرحى او تفكرى بيبأى فى اى؟؟
اه...فى كل حاجة
بفكر فى المستقبل
فى الواقع اللى احنا عايشينه
فى البلد الجمييل اللى المظلوم حقه بيروح فيها
فى كل حاجة
(من غير تفصيل)

13-شايفة انك ممكن تثقى فى اى حد تانى بعد كدا؟
لا

14-شايفة الحياة ازاى؟
وحشة مش بحبها
بتمنى انى امشى منها وميطلش قعادى فيها

15-اى الحاجة اللى الموت عندك اهون منها؟
انى اجرح حد

16-اى اللى ممكن يحطمك بجد؟
لو منجحتش فى اللى بفكر اعمله
لو فشلت الثقة فى المستقبل مع الشريك
ودى هتكون جاااااااااامدة
لانها هتكون اخر حاجة

17-زودى حاجة على حياتك

انطلق شوية

18-طب شيلى حاجة من حياتك

خوفى من الثقة والصداقة
ومن الناس

19-قولى سؤال مش بتحبى تجاوبى عليه
اقول ايه العبيطة دى
هو انا اتجننت

20-وجهى لحد كلمة
اسفة
وحشنى
مفيش
بحبك
لكل اللى اعرفه
بكرهك
الصداقة والثقة

21-الحب ولا الصداقة؟
الصداقة تجيب الحب
بس انا هقول الحب

سؤال معتاد بس لازم اساله ناو
حاسة بأيه بعد ما جاوبتى؟
ايدى بتوجعنى
وبفكر فى اللى بعدوا

لا بجد الاسالة مش كتير دى بس مرة واحدة كدا بدل نظام التقسيط اللى هما شغالين بيه
ولا ممكن لو جاتلى افتكاسات تانية كدا ابأى اجيبهالك

مش كتيير
دول21 بس
مش كتيير
المرة الجاية اعملى كتاب