[عبدالله القديمي]

أب منك عذر مقنع تعبت اعطيك من عندي
أب صدقك ولو مره يفوق الكذب في ذاتك

اذا اخطيت لا تنكر ولاتتوارى في صدي
يضايقني الجفا منك كثر شوقي لجلساتك

تزعلني اولين ارحل تخليني بشقا وحدي
أظل ابكي ولا اشكي تزيد أكثر بغيباتك

ولا تسأل ابد عني تمر ايام في بعدي
تجافيني ولكنك علي مخطي بكلماتك

أخاف وحيرتي تكبر وأحط يدي على خدي
أفكر فيك وين انت حبيبي طول شتاتك

أطالع صورتك واسرح عيونك حلمي الوردي
أموت بنظرتك وأعشق سكون الحرف بشفاتك

أبي أصبر على بعدك ولكن كل ش ضدي
أصد الشوق يعاندني يحنني لهمساتك

ولا اقدر على بعدك خلاص بشوفتك ودي
حبيبي كانك المخطي حظنت بروحي زلاتك

واذا عندك عذر مقنع أنا هاللحظه ماعندي
سوى حب ملا صدري يفوق الحب في ذاتك