اللى بيبقى عايز ينتحر
ده لسببين
انه فقد الثقه فى نفسه انه يقدر يتغلب على مشاكله و ده طبعا غلط
التانيه انه فقد الثقه فى ربنا و العياذ بالله ان ربنا يقدر يحلله مشاكله
عشان كده قرر انه يستريح على حسب ما هوا فاهم
و زى منتى قلتى اما بيلاقى نفسه بيموت بيندم
لانه و هوا بينتحر مش بيبقى شايف فى الدنيا
غير الافكار الوحشه و المواقف الوحشه اللى هوا فيها
و بعد كده بيلاقى ان فيه فى دنيته حاجات كويسه
و بيعرف انه بيغلط
لو كل واحد من اللى عايزين ينتحرو بص على غيره
هحس انه فى نعمه
زى ما بيقولو اللى يشوف بلاوى الناس تهون على بلوته
يا جماعه ده فى ناس وصلت لمرحله بتقول
احب الابتلاء لانه منك يا الله
و احنا نفكر فى الانتحار؟
المفروض اى ابتلاء من ربنا
عشان نقرب منه و يهون علينا ذنوبنا
مش نعظمها بالانتحار
حتى المنتقبه اللى قلتى عليها انها انتحرت
منتقبه يبقى احتمال كبير تعرف ربنا
تعرفه ازاى
يعنى بتصلى و بتصوم
لكن برده قلبها بعيد عن ربنا
قلبها مش شايف عظمة ربنا فى كل حاجه حواليها
احنا لو اى بلاء احنا فيه
و فكرنا بس ان المسبب هوا الله الرحيم
هنلاقى نفسنا بنصبر و احنا فرحانين
انا شايف ان السبب الاساسى فى الانتحار
زى ما قلت
هوا بعد قلبنا عن ربنا
للاسف السبب الرئيسى ان احنا بنشوف مشاكلنا اكبر من عظمة ربنا و قدرته
و بننسى ان ده ابتلاء منه
تفتكر ان فى يوم اليأس بتملكك يخليك تنتحر؟
معتقدش خالص لان شخصيتى دايما بتخلينى اقلل من مشكلتى
مش اقلل منها لانها قليله
لانها ممكن تكون قليله بالنسبه لمشاكل غيرنا كتير
و لان الله اكبر من مشكلتى بكتير
نصيحه؟
اقوله ربنا هوا اللى حطك فى البلاء ده
عشان يشوفك هتصبر و تشكر ولا لا
تيجى انت ردك على ربك انك عايز تنتحر؟
ربنا زى ما هوا اللى حطك فى البلاء
هوا الواحيد القادر ان يشيل البلاء ده من عليك
يبقى لو فكرت بالعقل
تروح للى يقدر يخلصك من اللى انت فيه
تقرب من ربنا
و تصبر
و تدعى ربنا كتير
و باذن الله ربنا هيزيح عنك البلاء
و الاهم بعد ما يزيحه عنك تفضل قريب من ربنا متبعدش عنه تانى