[MBM-MaDo]

المشاركة الأصلية كتبت بواسطة mohammed.el_sadat

بسم الله الرحمن الرحيم

السلام عليكم ورحمه الله وبركاته

الموضوع اللى أنا هتكلم فيه معاكم النهارده ده شاغل فكرى بقاله فتره طويله جداااااًسألت فيه ناس كتير بس مكنش حد إجابته مقنعه عشان كده قررت أكتبه هنه فى المنتدى يمكن حد يقولى الحقيقه

نا لا أكذب ولكنى أتجمل

بشكل مبدأى إيه معنى الجمله دى
؟!

اقولك انا معناها ايه على قد فهمى....

انا هاكدب عليك عشان تشوفنى حلو....بس كدب ابيض ..حلال يعنى...

حسيتوا قبل كده إنكم محاصرين فى كل مكان بالأكاذيب " فى البيت .. فى الشغل .. فى الدرسه .. مع أصدقاء .. حتى مع حبك ... إلخ "

مش للدرجة دى الكذب بيكتر على قد ما يكتر بس مش بيبقى وباء يعنى....

حسيتوا فى يوم من الأيام إن كل القصص اللى بتسمعها من الناس دى لا تمت بأى صله للحقيقه وإن القصص دى من نسج خيالهم ألفوها عشان يهربو بيها من واقع الحقيقه ويعيشوك معاهم الكذبه عشان يحس بعطفك وتأكدله فعلاً إنه كاذب بارع قدر ينسى الحقيقه ويعيش ويعيش الناس معاه فى الكذبه ويبان إن هو الملاك البرىء .

حسيتوا إنه بيحاول يستغل مشاعركم وهو بيحكيلم ودائماً بيبقى بيلعب على وتر المشاعر والإنسانه الوتر الحساس يعنى .

اه الحكاية دى حصلت معايا كذا مرة....

حد حس بالكلام ده ولا أنا اللى دماغى بقى موسوس
!؟!


الكلام ده موجود فعلا بس مش بالصورة اللى انت شايفها.....

ماتديش لمشكلة اكبر من حجمها...

و بعدين انت لو موسوس....

يبقى انا عندى شعور بالاتضهاد...

أنا بجد وصلت لدرجه دلوقتى خلتنى أشك فى نفسى مبقتش عارف أصدق مين وأكذب بين فى عز فرحتى ببقى متوقع الخيانه من أعز أصدقائى .

طب قولى انا اعمل ايه....انا مش مستنى ...لا...انا فعلا حصلتلى خيانة من اعز اصدقائى....

هصارحكم بحاجه أنا بقت أطول فتره صداقه بعملها مش بتتعدى 3 شهور وساعات 2 أسبوع مش عارف هو العيب فيا ولا فى مين .

العيب فيك و مش فيك...انت عيبك انك مش بتختار الصاحب صح...و مش فيك لانه مش ذنبك انه طلع وحش...و بعدين دى مش صداقة دى بتبقى فترة تعارف ...يا تطور لصداقة يا تقف عند هذا الحد...

أنا دلوقتى بشك فى نفسى لو أى حد قالى أى حاجه بحس إنه بيكذب ولو طلع كلامه صح بحس إنه أكيد عاوز فى مقابل كلامه ده مصلحه من كتر اللى شوفته حبيبى لما يبقى عاوز منى حاجه وبعد كده وش الضيف .

انا برده هاقولك الحلو موجود و الوحش موجود بس الناس دايما بتشوف الوحش و تتعمى عن الحلو...ليه مش عارف...

عشان كده قرارى كان عامل الناس زى ما بيعملوك
ياترى أنا كده صح ولا غلط
؟!

عادى عامل الناس زى ما يعاملوك....بس برده لازم يكون ليك اصدقاء...

بس أنا أخذتش القرار ده غير لما إتأكدت فعلاً
1000000000000000000000000000000000000000%
إن
الكذب قد اصبح ملح الحياة لكثير من الناس و ضرورة من ضروراتهاحتى في امور عديمة القيمة و الاهمية
!!

هاقولك حاجة تانى الكذب ملح الحياة عند ناس....

و مجرد شوية اتربة عند ناس تانية....

مش معنى ان فى ناس بتكدب يبقى كل الناس ولاد.........و كدابين...

هارجع و اقولك اللى بيريح الواحد فى المواقف اللى زى دى الصديق الحقيقى...

لازم يبقى ليك صديق حقيقى...

و لازم برده تتصدم فى حد..او تتفاجأ فى حد بحاجة حلوة...

هى دى الحياة ...عمرك ما تلاقى ليها قاعدة او حتى شواذ....

لازم تاقلم نفسك على كدة...ان المصالح صفة غالبة على مجتمعنا...

بس هارجع و اقول اعمل كل حاجة لوجه الله....

انا بعد ما حصل تلى مشكلة و اتصدمت فى اعز اصدقائى...

كنت كل سبوعين تلاتة اصاحب حد و الاقيه وحش...

لحد ما ربنا هدانى لاتين من الناس بجد...وقفوا جنبى...و صارحونى بعيوبى...

و هما دول اللى يبقوا اصحاب بجد...لكن انت يا محمد عندك عيب و عارفه و صاحبك ما صاركش بيه...

يبقى تعرف انه مصلحة بحتة...

لكن لما تلاقيه بيحاول ينصحك ..و يصارحك بعيوبك...يبقى ده عمه ما هايبقى ليه مصلحة عندك...

و انا اهو عن نفسى فى منطقتى يعتبر من الناس القليلين اللى ليهم فى مجال الكمبيوتر من سنى....

و باقدم خدماتى مجانا...يعنى لو واحد عنده حاجة باظ فى الجهاز باعملها لو بدون مقابل...

او عايز اسطوانة لحاجة معينة...اجيبها له...و عشان حاجة زى كدة عرفت معظم اللى كنت فاكرهم اصحابى طلعوا بتوع مصالح...

و اللى ماكنتش باحتك بيهم..طلعوا ناس كويسين و قلوبهم بيضة...

انا عارف انى طولت عليك بس كنت عايز اقول قد اللى قولته مرتين تلاتة...

و كمان مش منظم... معلش...

اتمنى فى النهاية انى اكون ساعدتك على قد ما اقدر....