انا ..
الحمدلله مش في اعلام خالص !!
بس والله كان نفسي ومنى عيني اخشها .. بس للاسف المجموع ماجابش ..
اهو ماعلينا .. بالنسبة للمعلومات بتاعة الكلية
انتي ياستي عمدك الكلية ماشية بنظام الساعات المعتمدة ( Credit Hours )
يعني ايه بقي ساعات معتمدة ؟ .. انك مابتبقيش ملتزمة بفصل دراسي فيه عدد معين من المواد ..
لأ انتي بتبقي مرتبطة بعدد ساعات معين .. لازم تخلصيهم في مادة معينة .. عشان يبقالك الفرصة انك تخشي الامتحان في المادة دي .. وعلى فكرة هيا بتتسمي كورس ..
انتي قبل اي حاجة .. او مابتخشي الكلية .. بتشوفي توزيع المجموعات والاسامي ..
ليه ؟ .. عشان لكل مجموعة .. بيبقالها حاجة اسمها المرشد الاكاديمي .. المرشد دا هوا اللي بيفضل معاكي من اول سنة اولي لغاااااااية اما تخلصي البكالريوس بتاعك ..
اول مابتعرفي مين هوا المرشد بتاعك دا (بيبقي دكتور مش طالب) .. بتروحي عشان تسجلي المواد بتاعتك اللي انتي هاتدرسيها في اول ترم ..
هاتقوليلي تسجيل ؟! .. هاقولك اه تسجيل ..
هاتقوليلي ازاي ؟ .. هاقولك انتي نسيتي اننا قولنا في الاول انك بتشمي بالساعات المعتمدة مش بالتيرم ؟!
نرجع تاني لموضوعنا .. بتعملي تسجيل او registering للكورسات اللي انتي هاتاخديها ..ولكن ..
حطي في اعتبارك الحد الادني للتسجيل في كل ترم .. 9ساعات (يعني 3 مقررات) .. واقصي حد 18 ساعة (يعني 6مقررات)
هاتقوليلي ايه الكلام الغريب دا ؟ .. هاقولك واحده واحده ..
انتي في كل مقرر (كورس) .. انك تستوفي 3 ساعات اسبوعيا فيه .. بالتالي لو انتي خدتي مثلا في الترم الاول 4 كورسات .. يبقي انتي عندك في كل كورس 3 ساعات اسبوعيا .. يبقي مطالب ليكي انك تحضري كل اسبوع (4×3) = 12 ساعة .. مقسمين على ايام الاسبوع .. على حسب مواعيد الكورسات بقي ..
بتخلصي بقي انتي سنة اولي عادي جدا ..
وتبدأي بقي من اول سنة تانية ..
تتخصصي في احد التخصصات دي ( صحافة-اذاعة وتليفزيون-علاقات واعلام)
طبعا انتي مش هاتخشي في اي قسم من التلاته دول براحتك .. هيا مش سايبه ..
لا .. مجلس الكلية بيحطط لوايح وقوانين تحدد المتطلبات اللي على اساسها يتم دخول كل قسم من دول ..
عموما .. انتي كل المشكلة عندك في حكاية الساعات دي انا عارف انها هاتعملك ازمة ..
مشكلتها في كيفية تظبيط المعادلة بتاعة الساعات والكورسات والطلبات وكدا ..
بس احب اقول حاجة .. انتي فيه حاجة اسمها كورسات عامة ..
ودي اللي انتي المفروض بتاخديها قبل مابيتعملك الكونسنتريشن بتاعك ..
الكورسات دي عددها 8 .. لازم تاخديهم .. يعني بمعني اصح .. مفروضين عليكي ..
اذن انتي ممكن تقسمي ال8 دول .. على مجموعتين .. 4 تاخديهم ترم اول .. و4 ترم تاني ..
يعني في الترم الواحد هايبقي مطالب منك انك تحضري 12 ساعة بس ..
اذا عدتيتي الكورسات العامة بتبدأي بقي تخشي على كورسات تانية ..
عموما .. انتي كل اللي مطلوب منك 132 ساعة تخلصيهم عشان تاخدي البكالريوس بتاعك ..
وغالبا بتبقي محاضراتكوا في قاعات الامتحانات ..
وكل كورس بتاخديه .. بيبقاله دكتور ومعيد ..
طبعا هاتقوليلي عرفت المعلومات دي منين معا انك تجارة !!
هاقولك اصل كان حلمي اني اخش كلية زي دي .. عشان كدا كنت سائل عليها كتير ..
بس على فكرة .. الايه يو سي اسهل منكوا .. عشان التوتال بتاع الكريدت اورز هناك عندهم .. 120 ساعة بس ..
|