[conan_egypt]

المشاركة الأصلية كتبت بواسطة jahooda

السلام عليكم ورحمة الله وبركاته
اولا بشكرك ع الفكره الرائعه دي وياريت نستمر على كده لحد ما تفرج ونعرف النتيجه ونفضل لبعد ما نعرف النتيجه كمان

احب ابدا في الاجابه على الأسئله المطروحه للنقاش

كيف كانت الفترة التي قضيتها هناك خارج مصر؟ وكيف كانت أحوالك الدراسية ؟
كانت كويسه الحمدلله ولم اجد صعوبه الا في الثانويه وده عشان من اول اولى ثانوي وبيطبقو علينا نظام اجنبي واحنا اول دفعه فعانيت من بعض الصعوبات في المرحله الثانويه بس كنت بزاكر ومستوايا كويس الحمدلله
ما هي نظرتك لمستقبلك في الجامعات المصرية ؟
والله انا اأمل انو يبقى كويس ونقف على رجلينا في بلدنا
ما هو الفرق بين التعليم في الخارج وبين التعليم في مصر ؟
انا معنديش فكره عن الدول الخليجية التانيه بس اعتقد التعليم في الامارات افضل وخصوصا بعد ما حطوا المناهج الجديده لأنها بتعتمد على التفكير العلمي مش المزاكره والحفظ وبس وبتعتمد على تحصيل الطالب على مدى عام دراسي كامل وانا اطلعت ع المناهج المصريه وهي كويسه بس ياريت يحصل عملية تطوير اكتر من كده
لو عاد بك الزمن للوراء هل كنت ستحصل على الثانوية من مصر ولا من الخارج ؟
من أي حاجه .. مصيري راجعه لبلدي حببتي سواء خدت الثانويه منها او من غيرها
ما هي طموحاتك في مصر ؟
ادخل كليه كويسه وازاكر وانجح واما اخلص احاول الاقي شغل في بلدي عشان هي اولى بيا
هل لا زلت تجد في قلبك الحنين للعيش خارج مصر ؟ وهل تفكر في العودة الى هناك ؟
ساعات دي مهما كان عشنا فيها اجمل ايام عمرنا وطفولتنا .. بس حكاية العوده دي معرفش على حسب سعيد الحظ اللي هتجوزه بقا مش بمزاجي اعتقد هههههههه

وبجد خطوه هايله الموضوع ده وبشكر كل اللي ساهم في وضعه
جهاد ,,

شكرا ليكي يا جهاد
فعلا التعليم في الامارات في مرحلة تطور دائم
ياريت نكون نصه هنا مصر
انا واخد الثانوية من السعودية
بس انتي متأكده ان لو رجعت بيكي الأيام ممكن تاخدي الثانوية من مصر
انا بصراحة اشك شويه