مشاركة و تعليق أبلة هدي
الا ستاذ الفاضل قد اتفق معك فى بداية كلامك تماما
لكنى اختلف معك فيما وصفته بان الذى يعمل بالمدرسة واحد الى اربعة
والباقى ((((( كمالة عدد))))) الكلمة دى عيب من حضرتك
فهل انت تضع الجدول
وتدخل الحصص التى نظمتها بالجدول مكان زملائك
كمالة العدد؟؟؟؟؟؟؟؟
وهذا جزء من تعليقي
أخي الفاضل
؟؟؟؟؟؟؟
...... لي وجهة نظر فيما قلت
ولكن ما أتفق معك فيه وبشدة
وأُؤيدك فيه
وكما قلت
للأسف أو بدون أسف
النتائج لن تنصف الجميع
ولن تعطي كل ذي حق حقه
.......
وأتفق معك بأن عدم النجاح في امتحانات الكادر
سيسبب الإحباط المدمر للكثيرين
وأنه سوف يقضي علي الأخضر واليابس
وهذه إضافة ورد
بمناسبة تعليق أبله هدي عندما قالت
للأستاذ الشاكي
الكلمة دى عيب من حضرتك
فهل انت تضع الجدول وتدخل الحصص
التى نظمتها بالجدول مكان زملائك كمالة العدد؟؟؟؟؟؟؟؟
برافو أبلة هدي
هذا الحزم المغلف بكل ذوق وأدب
وإبداء الرأي بكل شجاعة وإقتدار
ودون الإساءة إلي أحد
هو ما أرجو أن أراه منتشرا في منتدانا المحترم
وأضيف علي كلام سيادتك هل المدرس
الذي لا يستطيع أن يعمل الجدول لا يعتبر مدرسا
الإجابة واضحة طبعا ليس شرطا
علما بان مدرستنا طوال العام الماضي
قامت بعمل جداولها بالحاسب الآلي
فهل معناه اننا نروح نقعد في بيوتنا
عموما كده خلتوني أقول لكم أن إحنا في مدرستنا
عملنا جداول المدرسة بالحاسب الآلي كمان !!
ومن السنه اللي فاتت
وبنعتبر إن احنا كمان عملناها متأخر
وبرضُه من غير ما نتنطط علي زملائنا
أو نتعالي عليهم أو نسيئ إلي احد
عموما أرجو أن نسامح ونلتمس العذر للأستاذ
الذي كان يشكو إنه كان دينامو المدرسة
وانه يعمل الجدول
وتواضعا منه مارضاش يقول إنه كمان
كان بيدخل يدرس حصص زملائه في كل التخصصات
فهو أكيد لا يقصد الإساءة إلي زملائه أو إلي أحد
عموما هوه الراجل بس حب يوضح نقطة مهمة جدا
انه بيعرف يعمل الجدول
وأنه بقوم بكل الأنشطة التربوية
وبكل مستلزمات العملية التعليمية وتحابيشها
وتقريبا والله أعلم نسي يقول
إنه كان يقوم بدور الطلبة وأولياء الأمور أيضا
الأخت الفاضلة أبلة هدي
بالراحة علي الجدع أقصد الأستاذ
ده إذا كان إنا اللي مش صاحب الموضوع
أترعبت ودمي نشف وركبي سابت
ساعة ما قولتي له: ( الكلمة دي عيب من حضرتك )
فما بالك بالجدع أقصد الأستاذ صاحب الموضوع
إيه إللي حصل له
تلاقيه ياعيني اتجمد خالص
ومش قادر يتكلم
والله أعلم إيه تاني جرا له
وعشان كده أنا حا اسامحه المرة دي
وياريت مش هو وبس .. لأ .. دا إحنا كلنا
يجب نسامح بعض
و ما نخليش ده يحصل تاني
وأرجو وأتمني أن يعرض كل منا بضاعته
ويعلن عنها بكل ذوق ولباقة
وبكل التزام وموضوعية
فما أحوجنا إلي ذلك
لأننا لسنا في سوق الخضار
أو سوق الجمعة
أو في مولد سيدي المتهور
أو سيدي الغلاّط