السلام عليكم ورحمة الله وبركاته
أمتي أخر مرة حسيت بدفا دمعك علي خدودك
حسيت أنه بيريحك ... ولا بيخنقك
بيحسسك بضعفك ... ولا بيحسسك بخوفك
خوفك انك تواجه
تفتكر .. دمعك بيحبك
لما يكون هو بس اللي معاك والباقي سايبك
بتمسحه بأيدك ولا بتسيبه يسيل علي خدك
بيخليك تحس بالعجز ...وتشفق علي نفسك
ولا بتحس انه بيخفف عنك
أكيد في يوم دمعتك كانت علي خدك
وفي اليوم ده ما كانش فيه حد جنبك
حاولت تحبس دمعتك .... ولا بتسيبها يمكن تطفي لوعتك
بتخبي دمعتك عن الناس ولا بتبقي عايز تصعب عليهم
عايزهم يطبطبوا علي كتفك بأيديهم
أمتي اخر مرة أتكلمت مع دمعك ...
وأمتي أخر مرة دمعك وجعك