[vampire1188]

ماهو برده على حسب انتي ميولك ايه ..

انتي عندك في عشروميت قسم في اي بنك ..

عندك قسم التسويق .. جودة الخدمات .. المبيعات .. الخدمات المصرفية (افراد/شركات)

الخزنة .. الشئون المالية .. الموارد البشرية ..

دا غير اهم قسم في البنك كله اللي هوا بيبقي عصب البنك نفسه .. قسم الائتمان ..

كل قسم من دول .. بيحتاجله تخصص معين .. تكوني انتي خريجة فيه ..

يعني عندك مثلا الشئون المالية .. معظمها محاسبين ..

الموارد البشرية والتسويق والمبيعات .. غالبيتهم خريجي ادارة ..

الخدمات المصرفية .. بتعتمد على حسن المظهر والتعامل .. لإنها زي خدمة العملا كدا في الشركات ..

فانتي شوفي ايه اللي مناسب ليكي .. وميولك اللي انتي عايزاها ..

وان شاء الله اللي انتي تختاريه .. واللي يجيبه ربنا .. يكون في صالحك بإذن الله ..

وماتنسيش (قل لن يصيبنا الا ما كتب الله لنا)