[dr.saeed]

المشاركة الأصلية كتبت بواسطة بنوته اهلاويه

ربنا يكرمك يا سعيد بجد ... جه فى وقته .. فعلا المواضيع التافه انتشرت .. والناس بتضايق جداا لما يتحذفلها موضوع من وجه النظر العجيبه انه موضوع ناجح لمجرد انه وصله لعشر ولا عشرين صفحه فى تلت اربع ساعات ..بدون النظر لفحوى موضوعه اصلا

والغلطه الكبيره ع اللى بيردوا ..لا تجادل الاحمق فقد يخطىء الناس فى التفريق بينكما ..
وبيقولو تعلم ماتقوله وبعد ذلك تككلم
تلاقى مواضيع قمه فى السطحيه والنقاش عليها جامد
ومواضيع مهمه والردود مفيش... ان مش شايفه ان فى مشكله زى مانت قلت كله بثوابه اللى عمل موضوع كويس ربنا هيجازيه عليه كل خير
والعكس صحيح

وزى ملقمان الحكيم قال :اذا رايت قوما لا يذكرون الله فلا تجلس معهم فانك ان تكن عالما لا ينفعك علمك وان تكن جاهلا يزيدوك
بس تعرف فعلا شيء غريب لما تقول لحد كذا وكذا مينفعش يتبرا من الكلام ده ع راى هانز
اعظم خطا ان ترى نفسك دائما ع صواب
بس كلامك عن مصدر العلم بالكلام انا لغايه دلوقتى مش فاهمه ازاى اتعرف
بس ماعلينا
المهم الرساله اللى فى الموضوع تكون وصلت للاعضاء كلها وانا اولهم
بس تعرف طول عمرنا ماشيين بمدأ او المعظم
قد ينسى المرء الأسى ولكنه لا ينسى الإساءة
يارب نحاول نسامح ومنعلقش احبال المشانق من دلوقتى
واللى غلط سواء هنا او ع الميل
لازم يتعاقب
لو حتى مش مننا يا بريشوس
فلينا رب
عادى
وكلامك فكرنى كده بمقوله كده لشكسبير

إن الآثام التي يأتي بها الإنسان في حياته، غالباً ما تذكر بعد وفاته، ولكن أعماله الحميدة تدفن كما يدفن جسده وتنسى

..

فياريت نخلى بالنا ع نفسنا
بالرغم ان ده نت حياه الكترونيه بحته
بس كل كلمه غلطنا فيها هنتعاقب
وكل كلمه كويسه هناخد ثوابها
عارفه ان كلامى قد يكون مثالى زياده
بس انا بتكلم ع الصح
ممكن انا بغلط زى كل الناس
وبغلط كتير
بس المهم الواحد يعاقب نفسه ويلومها لعل وعسي ربنا يغفرله
وزى المقوله دى
من كان لا يُبصر غير محاسنه ومساوئ غيره فالضرير خيرمنه

معلش انا احيانا بسرح فى الكتابه وبدخل فى حجات غريبه ممكن اكون طولت بس مش مشكله ع رايك ده ركن عام والموضوع يستاهل

انا اشيل الموضوع بتاعى واحط ردك فى موضوع منفصل
بجد رد جميل جدا
وقاعدين كل شوية تقولولى انت عارف ومش عارف
دة انتوا وصلتوا لشكسبير ذات نفسه
جزاكى الله خيرا على الرد الطيب والمرور العطر