اقتباس:
المشاركة الأصلية كتبت بواسطة ابلة هدى
الاحظ ان اغلب الاجابات فيها التفاف حول الحقيقة على سبيل المثال الشكوى من صعوبة الاسئلة يرد ان الوزارة وضعت نماذج للأسئلة وللعلم ان التربوى لمعلم ثانوى تجارى لم يكن له اسئلة وعندما تسأله عن النجاح والرسوب يجيب انه لا يوجد خاسر هو احنا كنا بنلعب قمار؟ والله المفروض كان يكون الحوار مع احد المعلمين حتى يستطيع الرد السليم على التفافات سعادة الوزير
|
ألآن أنا فاتح المصحف الشريف علي سورة يس
وايدي عليه وأقسم بالله العظيم
إنني أول المطالبين بتطوير التعليم
و تطوير المعلم في كل النواحي
ثقافيا وعلميا ومهنيا وماديا
والله علي ما أقول شهيدومستعد لأي امتحانات حتي لو كانت كل يوم
وقبل ما تدخل مدرستك تروح تمتحن الأول
وبعدين لو نجحت تخش
ولو سقط تروح علي البيت
المهم دربني ووفر لي الإمكانيات
وانا مستعد للامتحان حتي قبل كل حصة
وتعالوا ناخدها واحدة واحدة
أول كلمة اتقالت من معاليه
قال: هي خطوة لابد من تنفيذها
يعن حاتتنفذ حاتتنفذ
قال : لا يوجد مستوي للنجاح والرسوب
يعني ممكن مسوي منحط ينجح
ومستوي تعبان يعدي وممكن مسوي ممتاز يرسب
يادي النهار الغامق طب امتحان ليه؟؟!!!
أنا مش فاهم النقطة والله
ممكن تشرحيها لنا ياابلة
يقول معاليه:
وقال الهدف الكبير الذي نسعي إليه جميعا
هو تحقيق جودة التعليم
ياريته يتحقق
وقال :الإحساس بخسارة التأخير بعد ظهور النتائج
يعني بعد نتائج الإمتحانات
حاتحس بالخسارة !! ياخسارة
علي راي أبلة هدي
هوة احنا بنلعب التلات ورقات
ولا بنلعب قمار
يعني بعد ما تخلص الإمتحانات لا أحد حاينجح أو يسقط
مش فاهم
يبدو إنني بأطالب بالتطوير وأنا مش قده
أو مش عارف يعني إيه تطوير
انا تهت ياجدعان
مدرس وتايه ياولاد الحلال
حاسسس أنه فيه حاجة مش مضبوطة
ماهو يانا ما بفهمش يا إما عم محمد بواب العمارة اللي جنبنا
أنما الوزارة طبعا لأ
ليه ؟؟ هل هوه كده
انا رحت فين ياجدعان
مدرس وتايه ياولاد الحلال
إبعتوا منادي
يكون هادي
ويعرف يعني إيه معني امتحان