[COoL HEaRT]

المشاركة الأصلية كتبت بواسطة nada00

انا اعرف واحده صاحبه ماما ابنها بسم الله ما شاء الله عليه جاب 50 فى المائه طبعا من باب المنظره وهما ما شاء الله حالتهم الماديه ميسوره باباه قاله متزعلش يا حبيبى بردك هتبقى البش مهندس ومش هنخلى حد يفرح فينا وطبعا هو دلوقتى فى هندسه خاصه ليه عشان المنظره وعشان يبقى البش مهندس وطبعا اخوه كان فى 2 ثانوى بص له وقال اشمعنا انا مش هتعب نفسى واروح السنه الجايه مع اخويا وربنا يخلى لنا بابا وفلوسه طبعا المفروض الاب ده لو بيحب ولاده فعلا وعارف مصلحتهم طالما لاقاهم مش نافعين فى التعليم كان يفتح لهم مشروع محترم يشتغلوا ويدوقوا التعب ويعرفوا قيمه الفلوس لكن طبعا مش مشكله القيم المهم البش مهندس جيه البش مهندس راح ما علينا

والله انا فرحت بردك خالص يا نادو لانك فتحتى كلام جديد داء الشعب المصري

المنـــــــــــــــــــــــــــــــــظره

لمجرد زى مالراجل قال عشان محدش يفرح فينا يدخل ابنه كليه وابنه اللى جاب 50 % يتساوى باللى جاب بمجهوه 97 %

فدلوقتى معاك فلوس كويس هتعرف تشتري بيها شهاده

مش معاك اخبط راسك فى الحيط

وفعلا حكايه الاسره اللى انتى بتقولى عليها

الاب بوظ اتنين من ولاده ..الاول اللى بقى باشمهندس بالفلوس

والتانى اللى تواكل ع الفلوس وهيضيع مستقبله هتقولولى بلاش مبالغه هيضيع ايه بس

لا فعلا فرضا لو الاب ده حصلوا حاجه تمام والفلوس مثلا كانت للديون

والواد هتطله نتيجته


وطلع ساقط ........تقدروا تقولو ايه النتيجه استفاد ايه بقى بفلوسه

المشاركة الأصلية كتبت بواسطة رحمة للعالمين

متعمميش الحكم
لان فى جامعات خاصة كتيرة جدا جدا جدا جداااااااااااااااااااااااااااااااا اجمد من الحكومى كمان
ومحترمة كمنهج وشادة الطلبة كويس و و و
ومش كل اللى بيدخلوا جامعات خاصة بتوع مامى ودادى والله ،، ابداا
و طبعا جامعة 6 اكتوبر دى مش اولهم لأنها جامعة حقيرة جدا والكل عارف
لكن عندك 20 جامعة قصادها فى نفس اطارها تقريبا جد جدا ..
وممكن اضرب بالامثلة لو تحبى كمان
وفعلا الكليب ده قديم جدا ومش عارفة ايه يعنى واحدة بترقص الناس فرحانة بيها ع موبايلاتها لييه
شئ غريب
اشكرك ع الموضوع بنوتة

للاسف انا كل مره لما اكون مش عاوزه اعمم بقول

بس

المره دى الحكم شبه عام

عاوزه اعرف الجامعات دى

هى العمليه كمان مش مقتصره ع الاخترام والشده فكره ان اتنين يتساووا ببعض عشان الفلوس

فعلا جامعه 6 اكتوبر بقت حاجه صعبه

والمصيبه فين اداره الكليه مالكل عارف انها كليه تعبانه

هو ممكن يكون قديم بس انا اول مره اشوفه

وبعدين افتكر ان الموقف ده بيحصل كتير

لا شكر ع واجب يا جميل منوره الموضوع

المشاركة الأصلية كتبت بواسطة tweety12

بشكل عام مفيش تعليم فى مصر سواء بفلوس او من غير
بس ما ينفعش الناس تدفع فلوس عشان اخلاق اولادهم تضيع
لان الرقابة المعدومة فى الجامعات الخاصة بتشجع على الفساد
ومن الاصل مينفعش يكون فى رقابة فى الجامعات دى لان بالعامية الطالب قاعد فى الجامعة بفلوسه فمينفعش حد يفتح بؤه

بالظبط هو التعليم بايظ بايظ بس متوصلش انها تبقى كده

وكل طال من بتوع الجامعه الخاصه موقن انه داخل بفلوسه يعنى مش فارقه معاه

منهم اللى بيحترم نفسه ويحترم العلم ومنهم ودول الاغلبيه اللى مش فارق معاهم حاجه خالص