السلام عليكم ورحمة الله وبركاته
كلتيه منهم يعني ولا ايه
بسم الله الرحمن الرحيم
(1) هل نحن على دراية بما يحدث ؟
هيا حاجة
بجد فكرت فيها كتير
وهيا فعلا شئ ضايقنى جدا
همهدلها قبل ما اتكلم عنها مباشرة
طبعا معروف ان الغرب بيحاولوا بكل الطرق يدمروا الشباب المسلم
بكل الطرق
ونجحوا
بدل ما يبقي شبابنا نسخ مصغرة من مصعب بن عمير او خالد بن الوليد او صلاح الدين وعبدالرحمن الناصري
بقى الفخر انى اقلد تامر و غيره
ويبقي ربنا بيحبنى ان طلع فيا شبه منه او من غيره ولا صوتى زيه او زى غيره
بدل ما افتخر ان صلواتى كلها جماعة و انا من مرتادى المساجد
بفتخر انى بروح كل يوم نايت كلاب او بروح سان ستيفانو او بورتو
الشباب هما اللى يا اما بيهم نرتاد القمم او تنحدر بيهم الامة
الشباب و تقريبا ضاعوا
لان الشاب بيلاقي الناس مقبلة علي النوع التافه ده يعني لو لقوه زي مطرب ولا شبه ممثل بيهتمو بيه والكلام ده
بس دول الناس التافهة والشباب التافه
اللي هما بيدور علي اهتمام الناس مش رضا الله
زي مثلا ستار اكاديمي لما يلاقي اصحابه بيتكلمو عليه وكده يروح هو كمان يتفرج عليه عشان مش يتجنبوه بعد كده في الكلام وميهموش بقي ده حرام ولا حلال
ربنا يهدينا
اجى للخطر الاكبر واللى يمكن محدش واخد باله منه وهو
(( الكارتون ! ))
ياه و هو ده خطر ؟؟
وايه جاب الكارتون لكلامك اللى فات ؟؟؟؟
للأسف انا بقولك انه بجد خطر .. ومش بسيط ابدا
طيب ازاى ؟؟
مين الفئة اللى بتتابع تلك النوعيات من الرسوم المتحركة ؟
الاطفال
هل باعتقادك الطفل قادر على تمييز السلوكيات الخاطئة او الصحيحة فى تصرفات ابطال الكارتون
مستحيل !!
ده الطفل بيكبر مع الكارتون
الكارتون ده هو اول مجتمع بيعيش فيه الطفل
بيترسم بيه فكرة الطفل عن مجتمعه الخارجى ،
بيتأثر بيه تأثير كبير جدا و بيتعايش مع الكارتون كليا
لسه موصلناش للمشكلة اوى
ايه هى بقي ؟؟
هقولك ببساطة قوم افتح التليفزيون دلوقتى
هتلاقى حاجة من الحاجات دى :
1_ اشكال غريبة جدا عجيبة جدااا تأبى انك تنظر اليها من بشاعة خلقها
اللى بعين واحدة واللى بعشرين رجل و ميت ايد واللى براسين
تشويه لخلق الله سبحانه وتعالى اولا
و ثانيا قتلت خيال الطفل كليا
2_بطل الكارتون ,, ولد وبنت
ايه علاقتهم ببعض ؟؟ زمايل دراسة مثلا فقط لا غير
او جيران او صاحب و صاحبة و خلاص
والطفل بيتفرج عليهم مع بعض بيسافروا ويروحوا وييجوا ويمسكوا ايد بعض ولو زعلوا مع بعض يرجعوا تانى معللين ان كل واحد ملوش غير صديقه التانى وووووو ...... ده ان مكانش الحوار فى حب كمان
وكارتونات كتير جدا جدااا دلوقتى بقت اساسا محورها ده بيحب دى و دى بتحب ده
هل الطفل يقدر يميز ان التصرفات دى خاطئه ؟؟
هل احنا بندرك ان المشاهد دى بتملك عليه تفكيره .. وبيبقى عاوز يعيشها ؟؟
3_اغلب الكارتون الجديد ملئ بمشاهد اطفال شبه عارية
البنات كلها بطنها باينه ولابسه جيب قصيره و و و و
ده ان مكانش تقريبا لبسهم مجرد ستر العورات فقط !!! و بقى كمان واضح اوى حتة ابراز ملامح الانوثه فى بعض شخصيات الكارتون احيانا ببقي جنب اختى واخجل بجد من بعض المناظر التى تعرض !!
هل للطفل ان يميز التصرفات الخاطئة التى ترد اليه ؟؟
ده طفل !!
مستحيل هيميز
ودى قنوات كارتون ..
القنوات الوحيدة اللى تقدر الام تترك اطفالها امامها دون خوف عليهم من اى عبث فى فكرهم !!
سبحان الله ،، بث السم فى العسل اصبح سهلا .. واحنا بجد نايمين ومش فى بالنا ...
انستطيع انقاذ ما يمكن انقاذه ؟
كيف سينشأ الطفل فى رأيكم ؟!
عندك حق في دي الكرتون بقي حاجة غريبة اوى كله تقريبا قلة ادب مش زي زمان وايام كابتن ماجد ومزنجر والحاجات دي
والله زمان كان في هدف من الكرتون عايزين من الكرتون يعلم الطفل حاجة انما دلوقتي يضحكو الطفل بس وبحاجات مش تنفع لسنه خالص
تلاقي الكرتون في قلة ادب شوية وعنف زيادة والام والاب يسيبو الواد يتفرج عشان ميقرفهمش
واهو الواد ساكت وخلاص
(2) والله حاجة عجيبة !!
مبدأ الانتقام
لاحظت انتشاره جدا
وخاصة .. خاصة فى قضايا الحب
غالبا ما بتخلص القصص دى و فى نية واحد انه ينتقم
عاوز يئذى غيره وبس
طيب وبعدين
ايه اللى هتكسبه؟
معرفش
هل ربنا هيرضي عنك اذا ما انت اذيت احدهم ؟؟
اهم حاجة كرامتى .. و هوريه .. وهوريها .. وهو ظلمنى .. وهى ظلمتنى .......
ولنفترض ان فى ظلم واقع ع احدهم
هل انت مش واثق فى ربك؟
هل انت تشك ولو للحظه ان لو انت فعلا مظلوم وجعلت الله حسبك سيضيع لك حقا ؟!
مش يمكن انت مش مظلوم ؟؟ ده ربك بيحبك ....
ليه مبنسلمش امورنا كلها لله ؟؟
لا اعتقد ان فكرت الانتقام قد وجدت فقط لكى تؤذى بها غيرك
اعتقد اننا ممكن ننتقم لأمور تجعلنا افضل
مش عارفة تفكيرى وصل ولا لأ
بس ايا كان انا بطلع اللى ف دماغى
اى واحد بيكون خارج من قصة حب اتظلم فيها مثلا مش بيكون شايف قدامه غير الانتقام وبس وبيكون الشيطان (اعوذ بالله ) مسيطر عليه
ويبتدي يقوله هي ازاى تسيبك وبعدين دي اكيد سيباك عشان الواد...... مع انك ببرقبته وبتاع ومن الاخر دي بتاعتك ومينفعش حد ياخدها منك (علي اساس انها ساعة ولا كرة)
وهو زي العبيط ياما يكون عاطفي ويتنحر ياما ينتقم منها وفي الحالتين بيكون الشيطان سيطر عليه تماما
(3) ليه بايدى اقول انى مش كويس !
لاحظتها وكتير
واتكلمت فيها هنا اكتر
وهى جزئية انى اشوه صورة الاسلام بايدى و بطرق غبية جداااا بدعوى انى بستنكر
شفت اللى بيقولك .. ايوه انا شفت منتقبه بتعمل كذا وملتحى يقوم بكذا ..!!
و اللى يقول الغير محجبة ليست دوما اسوأ من المحجبة
وكلنا سمعنا وشربنا كتير من الكلام ده لأ ونزلها مواضيع مخصوصة !!!
مش هعلق ع الجزئية دى غير باسئلة هوجهالكوا
اللحية مثلا او النقاب .. يعتبروا طور من جهاد النفس
لو قمنا باحصائية
ما بين كل عشرين منتقبه مثلا ... كم منهم سنجدها ممن تضربون بها الامثلة ؟؟ افتكر بالكتير اوى ,, واحدة
لكن
ما بين كل عشرين بنت غير محجبة .. كم منهم سنجدها الى حد ما محترمة ؟؟
دي انا بشوفها كتير من ناس اكتر
تلاقي في ناس مسلمة مستنية غلطة واحدة لاي حد ملتحي او اى حاجة تطلع منه عشان يبين انه مش احسن منه
هو اصلا الشاب نفسه يكون زي الملتحي ده بس بكده مش هينفع يقف مع بنات او ينزل البنطلون او ....
فبيحاول انه يقلل من قدر الملتحي ولو بالكدب عشان يحسس نفسه انه مش احسن منه
(5) تميز ام تخلف ..
وانا مع هبة اول امبارح
لقيتها بتسألنى بعد ما شافت كذا صورة ليا انا وبنات اصحابى فى المدرسةعن لبس المدرسة ايه هو !!
اكتشفت فعلا ان مفيش بنت فينا لابسه زى التانية
لفت ده نظرى للموضوع ده
ما هو مفهوم التميز فى وجهة نظرنا
وهل ان تكون مميزا يعنى ذلك ان تكون شاذا !!
هوريكم صورة دلوقتى غريبة
هي عبارة عن جيب اليونيفورم بتاعة مدرستنا
المدرسة عاملة جيبة موحدة ولكن ..
تأبى كل منا ان تكون مختلفة
فتفترض ان بذلك قد تميزت !!
.
.
.
هل نحن بذلك صرنا مميزات ؟؟!!
افكار كثيرة تحتاج الى اعادة بناء فى عقولنا المحدودة ..
دي كانت بتحصل عندنا في مدرستنا ( اعدادي وثانوي)
بس انتو كده رحمة احنا مكناش بنلبس ولا القميص ولا البنطلون يعني كان ممكن نيجي بحاجات ملهاش علاقة بالمدرسة خالص ونخش ونحضر علي اساس انى اكون معروف كان كل واحد بيخالف قوانين المدرسة عشان الناس تعرفه وبعدين عشان يمكن هو عنده ميعاد مع واحدة بعد المدرسة هيروحلها باليونيفورم يعني هيسقط من نظرها وتحس انه طالب
(6) ايه رايكم ؟؟؟؟
الصورة دى اخدتها النهاردة وانا خارجة الصبح من قدام عمارتنا
ودى اخدتها زمان من البلكونة
حد ملاحظ فيهم حاجة ؟؟؟
عاوزة نقد لو حد يقدر ..
يمكن قصدك ان الناس لما بيلاقو مدن جديدة بيروحو فيها ويكترو لحد ماتبقي مدن قديمة ولا ايه
اصل الصورة القديمة مفيهاش العربية والجديدة فيها العربية يعني في ناس جت
اكيد محدش هيفكر زي