[COoL HEaRT]

بسم الله الرحمن الرحيم


حرصا ع سلامه الاعضاء الكرام من بعض الامراض اللى تفشت كالمراره والصداع المزمن والتى وصلت للشلل الرعاش


وانتهاء تلت تربع المواضيع الاستفساريه بمغلق او محذوف لحين نظر الاداره المكرمه


عاوزه اوصل للاداره بعض من حالات البؤس اللى وصلها الاعضاء والحمد لله

وارجو رجاء صغير الا يغلق هذا الموضوع او يحذف

بعد كتابه بيان اول ومناقشه بيان اول وكام موضوع من هذا القبيل .. والوصول للمحصله النهائيه وهى ال0000


وبعد مشاهده معاناه الاعضاء واللى حاليا مش بيدخلو الا للغرض الترفيهى وهو الضحك وهاتولى حد من هنا مضحكش ع اللى بيحصل ده

حبيت انقل بعض الردود من الظلام الدامس للنور فى قسم حظى باعلى نسبه مشاهده وحضور فى الاونه الاخيره والحمد لله بعد قسم الكادر طبعاا

وتقريبا والله اعلم ان الحسنه اللى عملتها الاداره هى المجموعات الاجتماعيه اللى تقريبا كله بيدخل يواسي بعضه جوه لغايه محاجه تتغير

وبردو من الواضح ان مفيش حاجه هتتغير

دى كانت ردود فى مجموعه كده اكيد عارفينها

كان رد ع موضوع التلميذه ترافل اللى اتقفل كالعاده

وده ردى اصلى مش مستحمله ينام جوه كده ولا حد شايف حاجه

الاول كان رد ع موضوع الاسطوره

انت عملت اللى عليك

خلاص هتعمل ايه تانى!!

وعامه لما ترافل عملت الموضوع شفت رد الاستاذ بدوى

..تقريبا هو مش عارف انك اعتذرت او مش مقدرى طريقتك او شايفها مش كافيه ..

انا لما شفت الاداره راحت منك قلت انه عمره مهيكون نفس المووضوع

انت قلت انا بعتذر لاستاذ محمد حتى ولو مكنتش غلطت

مش فاهمه ايه اللى جد؟؟؟؟؟؟؟؟؟؟؟؟؟؟؟؟؟

ثم مكنتش الاداره راحت فى يوميها ليه ؟؟؟

البطىء والتردد ..اكتر حاجه منتشره

انا مش عارفه المنتدى ده بقى ماشي ازاى اصلا

شويه مشرف وشويه موقوف وشويه ادراى وشويه عضو

وعامه انا رايي اللى كان فى الموضوع اللى هناك متغيرش

ومش مشكله الاداره اصلا

افتكر انها مكنش جايبه همها

مع انى رافضه انك تخرج منها لسبب الصراحه انا نفسي مش مقتنعه بيه

بالنسبه لعبقرينو بقى وبجد وحياه ربنا انا جبت اخرى طول عمرى من سنتين وداخله ع التالته

بتفرج ع السلبيه الغريبه فى كل الردود ..يغلق ويمنع الى حد من الاداره سواء انت يا اسلام او غيرك الرد

بالزمه ده كلام وال ايه حتى اتخاذ قرار ..اموت واعرف هيطلع امتى القرار الحاسم القاطع المانع اللى دايما بيقول عليه

وبالنسبه لفكرتك يا محمود استضافه عبقر يعنى ..

انا موافقه تماما انا كنت الصراحه عاوزه يكون ع كرسي الاعتراف

بالرغم ان الموضوع مش هيتوقف ع شويه الاسأله العاديه

هو السؤال اللى هموت واعرف اجابته هو بيعمل ايه غير الكلام وحذف المواضيع ده لو كان بيدخل

وايه اللى اهله انه يمسك المنتدى ؟؟

ومين راضى عنه فى المنتدى؟؟

ده اى عضو مننا بيدخل اكتر

افتكر بقى ان ده هو الاسلوب اللى مفروض ميعجبش مش كلام التلميذه ترافل

ده الموضوع اللى اتوقف

فى مسابقه انك تطلع غلطه فى الكلام ده

http://www.thanwya.com/vb/showthread.php?t=72480

هو ده الموضوع اللى سالت فيه الانسه ترافل عن السبب

وده

رد استاذ بدوى اللى بالاسود

وكلامى بالخضر وياريت حد يفهمنى لانى خلاص

الاول سيادتك بأى حق تتكلمين بهذه اللهجة ؟ ولا سؤالى حجر على حريتك ؟

ابوس ايدكو قولولى اى لهجه ..... هى قالت ايييه اموت واعرف

وايه الاسلوب الغريب ده حجر ع حريتك

بلاش مش موضوعنا ............

بدام مش موضوعنا .........

الموضوع منتهى وياريت ينتهى بالنسبة لكم ايضا ان شاء الله

باى حق منتهى ومنتهى بالنسبه لمين احنا فعلا قله
كانه بيقول اللى مش عاجبه يخبط راسه فى الحيط بس مع اختلاف الاسلوب


زى ما الاسطورة عمل موضوع علشان يبين فيه انه مش غلطان مع محمد سرور
يتفضل يعمل موضوع تانى علشان يبين انه اتظلم

هههههههههه المره اللى فاتت اداره المره دى يتحرقله الاى بى ويخلصو

الاستاذ عصام اوقف الاسطورة
والهجوم كان منى
والسبب انتى وكل من شارك فى الموضوع اللى اتعمل

كما ن بقينا السبب يا محمود احنا اللى خلناهم يشيلوا منك الاداره

انا اسفه عن نفسي

لمجرد ان الواحد عبر عن رايه
ومن امتى الواحد بيتاخد بذنب التانى

لو كنا غلطنين يوقفوانا احنا بقى

بس ده كل الموضوع

شكرا ع التوضيح

الموقع تعليمى من الدرجة الاولى ومكانة المدرس اهم مكانة

كلامى بقى مش ع استاذ محمد

الراجل ده محترم وكلنا بنكنله كل احترام

خلينا بنكن لمدرس كل احترام

بس حاسه ان فى اختلال فى فهم معنى المدرس
المدرس مش مجرد انسان رس مبادىء علم ومعين وجاى يعلمهولنا

المدرس هو اللى بيعلمنا لاخلاق بيعلمنا ازاى نتعامل مع بعض .. الاحترام والرحمه الاخلاق مش مجرد اسم

احنا بنكن للمدرس كل احترام

بس مش المدرسين اللى شتموا بعض فى موضوع الكادر

مش المدرس اللى نزل فيلم

مش المدرس اللى بيغش

مش المدرس اللى مستكبر يعترف بغلطه

وطريقة سيادتك برده لا تليق ........ هو الاسطورة اعتذر للاستاذ محمد سرور امتى ؟
وانتى عرفتى منين ؟

وحياه ربنا هتشل ......... اى طريقه
وهو انت يا محمود مش اعتذرت ولا اروح اركب النضاره
اموت واعرف هو اللى عرف منين انك مش اعتذرت

و مش هزعلك يا قدوة ......... الموضوع مغلق

بقى اسلوب مين اللى بيحمل تهكم بقى

ترافل التلميذه ولا الاستاذ

قدوه


ولو انى لم اكن انوى اغلاقه .......

واوعدك لن يحذف ان شاء الله

لا كتر خيركو

ع فكره والله ده اخرى انا عمرى ماخدت موضوع ع اعصابى بس انا حاليا حاسه انى مستفزه ومش عارفه ارد

وده رد ترافل

انا عملت موضوع ...(ليه الاسطورة اتشال من الادارى!!؟؟)
تقريبا واضح من العنوان...استفسار عن وقف الاسطورة

المهم بقى ده رد مستر /بدوى الدجوى:
اللى باللون الاحمر..

travel اللى بالازرق
بس تقريبا ان المستر كان بيسالنى شوية اسئلة بس نسى وقفل الموضوع
ومعرفش ارد علي الاسئلة ازاى غير انى لازم ارد هنا
او انى اعمل موضوع
بس انا بطبق اللوائح
(اللى يتقفله موضوع او يتحذف ...ميعملش موضوع جديد)
.................................................

الاول سيادتك بأى حق تتكلمين بهذه اللهجة ؟
هو حضرتك شايف لهجتى ازاى فى الكتابة؟
اعتقد انها عادية مفيهاش اسلوب(تهكم) او اى حاجة
وده استفسار عن ..حذف لقب الاسطورة(الادارى)

لو حضرتك شايف اسلوبى فى طريقة تانية ياريييت يبقى فى توضيح
ولا سؤالى حجر على حريتك ؟
اعتقد انى كده كده كنت هرد لان فى احترام للمعلم ..بغض النظر عن معلم
حضرتك اكبر منى وانا لازم ارد على سؤال حضرتك
بس هى طريقة حضرتك مش فيها (تهكم) شوية؟

وحضرتك شايف
!!!!!!
بلاش مش موضوعنا ............
يعنى حضرتك تسال وبعدين تقول مش موضوعنا؟
عمتا ..مش هتفرق كتيير
ياللا مش موضوعنا مش موضوعنا
الموضوع منتهى وياريت ينتهى بالنسبة لكم ايضا ان شاء الله
ان شاء الله ..بس حضرتك لما نعرف الاول هو اتشال من الاشراف ليه؟

زى ما الاسطورة عمل موضوع علشان يبين فيه انه مش غلطان مع محمد سرور
يتفضل يعمل موضوع تانى علشان يبين انه اتظلم
اوك...يارييت بقى الاسطورة يعمل موضوع يقول هو اتشال من الادارى ليه..مادام محدش عاوز يقول ليه
الاستاذ عصام اوقف الاسطورة
والهجوم كان منى
والسبب انتى وكل من شارك فى الموضوع اللى اتعمل
بس ده كل الموضوع
اولا موضوعى اللى لسه معمول ده اتعمل بعد ما عرفت انه اتوقف من اصحابى..
ثانيا لو حضرتك تقصد موضوع محمود اللى كان عمله لما اتوقف...انا ردى كان طبيعى فيه وحضرتك ممكن ترجع للموضوع وتشوف ردى تان
ردى كان عادى..اينعم فى ناس كانت مؤيدة لمحمود..ناس كانت معارضة لمحمود
وناس على الحياد
بس فى الاخر ان محمود اعتذر للمستر على الملأ فى موضوعه
اللى انا دخلته...يعنى انا عرفت حكاية اعتذره من الموضوع مش من حد يعنى
يارييت حضرتك توضح سبب الهجوم بالتوضيح
ولا سؤالى حجر على حريتك؟

الموقع تعليمى من الدرجة الاولى ومكانة المدرس اهم مكانة
واضح انه تعليمى اوى
ما اصل كل مرة لما بتحصل حاجة بنقول انه موقع تعليمى من الدرجة الاولى
زى قسم ::: *كادر المعلم* :::
القسم ده بالذات اثبت ان الموقع تعليمى من الدرجة الاولى
(بس من الاخر)
للاسف اى حاجة بتحصل ....الموقع تعليمى
!!!!!!
وبعدين مالها مكانة المدرس؟
مستر /محمد سرور محدش يقدر يقول عيله حاجة او يكلمه بطريقة مخالفة
وهو عارف كده كويس
طيقتنا فى كلامنا معاه وحوارنا..يكفى ان لما اى حد بيحتاج حاجة(استفسار ..مناقشة ...) بيقوله
ومفيش اى مدرس اى عضو مننا اى كان لقبه كلمه بطريقة غير لائقة
سواء كان الموقع تعليمى زى ما حضرتك بتقول اى مش موقع تعليمى
فى حاجة اسمها احترام الكبير...وكفاية ان احنا بنحترم بعض كاعضاء اصلا
بنراعى فروق السن بينا...يبقى مش هنراعى فرق السن بينا وبين المدرسين؟
وطريقة سيادتك برده لا تليق ........ هو الاسطورة اعتذر للاستاذ محمد سرور امتى ؟
هو مش حضرتك بتقول ان ... (والهجوم كان منى
والسبب انتى وكل من شارك فى الموضوع اللى اتعمل)
يعنى تقريبا اللى فهمته من رد حضرتك ده ..انك دخلت الموضوع بتاعه
المهم ..اهو بقى (محمود) اعتذر فى الموضوع قدام الجمييع
وانتى عرفتى منين ؟
نفس اجابتى ..عرفت من الموضوع لانى كنت فيه..
(اصلى عملت تعاقد مع قسم الخناقات ..انتهاء العقد:لما المنتدى يتعدل حاله)

و مش هزعلك يا قدوة ......... الموضوع مغلق
يا سلااااااااام
والله مش عارفة اقول لحضرتك ايه..
بجد حضرتك وعبقرينو مش بتزعلونى خالص
ما انا قلت فى موضوع (جايد) اخر موضوع ليه بتاع (ٌقسم/كادر المعلم)
{الموضوع اخره ..يا الحذف يا الوقف}--->travel
عبقرينو مكسفنيش ..وقفل الموضوع وقال محدش يرد بعده
حضرتك برضه مكسفتنيش..قفلت الموضوع

ولو انى لم اكن انوى اغلاقه .......

واوعدك لن يحذف ان شاء الله
هى فرقت كتيير يعنى؟؟
مش فارقة معايا اصلا
ما هو ده اللى باخده كل مرة

لما عملت موضوع(المرشد اتوقف ليه!!؟؟)
وكان الموضوع استسفار عن سبب وقفه

كانت الاجابة---->حذف الموضوع
وبرضه معرفتش الاجابة غير لما دخل مشرفين الموضوع ونقلولى الحوار
طبعا لانى (عضو) مينفعش ادخل المواضيع المحذوفة

وده اللى حصل بالظبط
بس ..مع شوية تغييرات


وبرضه معرفتش
الاسطورة اتشال من الادارى ليه؟

هو ايه الهدف من المواضيع اللى بتتحط فى قسم الخناقات؟.
هل حلها انها تتحذف او تتقفل؟
اومال راح فين اسلوب المناقشة؟
ولا كلام والسلام؟

عمتا انا مش هسكت برده وهعرف الاسطورة اتشال من الادارى ليه
وهفضل لما اعرف
ويارب يكون فى سبب لحذفه من الادارى
وميطلعش السبب....موضوعه هو و مستر/محمد سرور

وده راى احد الاعضاء المطحونين

ايه ده ده اتقفل زي ما انتي كنت عايزة
بس انا شايف انه موضوع عادي للسؤال و الاستفسار مش المفروض يتقفل بس عادي
ده ال اتعودنا عليه في المنتدي

انا بس كنت عايز اقول لاستاذ بدوي حاجة
ان محمود مكنش يقصد حاجة و هو اعتذر
و ان احنا عارفين ان الموقع تعليمي و أن المدرس اهم حاجة في المنتدي
بس حضرتك ممكن تتفقد كده الاقسام و تعرف مستوي المنتدي بقة عامل ازاي
لو موقع تعليمي من الدرجة الاولي
يبقي مواضيع الحب و المواضيع الهايفة محتوتة ليه ؟!

احنا عملنا المجموعة ديه علشان نساعد الادارة مش ضدها بس حضرتكوا ال فهمتوا ان احنا عايزين نعمل أسم و شهرة في المنتدي و الكلام ده و بالتالي مفيش حاجات اتعملت من ال احنا طالبنا بيها
رغم انها كلها في مصلحة المنتدي ......
و للاسف كل ال بيحاول يصلح في المنتدي بيتفهم غلط

ورد احد المشرفين بردو المطحونين

( متستعجليش يا ترافيل ) اكيد هتتوقفى وبكرههنشوف
احنا هنا بندن فى مالطة وكان مفيش حاجة بتحصل
يعنى موضوع ترافيل عادى جدا ومفيهوش حاجة
ليه يتقفل
هو فيه مثلا ممنوعات ( كل واحد يطلع المخدرات اللى ف الموضوع)
عموما ادينا بنتكلم
ويا خوفى يا تنهى بالكلام بس
انا زهقت اساسا
وشكلى هعلن ماتش اعتزالى قريب
تابعونا
( بس كل اللى انا عارفه )
العيب مش فينا
العيب فى الادارة
ودمتم فى رعاية الله

انا مش بحب اسيب فى نفسي حاجه

لان زى مبيقولو طفح الكيل


ولو فى كلمه غلط فى الكلام ده حد يقلى


وتنويه كده فى بدايه الموضوع

الموضوع التانى المشترك بينى وبين المبدعه اسدات

طبعا بكحتها المعتاده


احم احم


الااول بقى نتكلم عن احوال ادارتنا المجيده

ناس كتير كانت بتشبه الاداره فى المنتدى بالحكومه المصريه

طاب ممكن بقى نحاول نشوف التشبيه ده

محض بلاغه بس و لا ده عين الصواب على راى الراوى
نشوف بقى مع بعض :

1- كلا منهما ممكن تلاقيه يعمل قرار طالع من واحد بس و طبعا فى الحالتين محدش بيقدر يقول تلت التلاته كام

واللى مش عاجبه عند اقرب حيط ويخبط دماغه

2- ممكن تلاقى و فى بساطه متناهيه بعد القرار الاوحد ده حد يقولك القرار ده غايه فى الدقه و الاتقان و عليه موافقه جماعيه

مجلس الشعب يا خواتى

3- فيه حاجات سر من الاسرار العسكريه الشعب اللى هما الاعضاء فى حالتنا ملهمش اى حق انهم يعر فوا
زى مين نائب الريس الجاى و مين و مين اللى ممكن ييجوا و ده طبعا نفس منطق ادارتنا الحمد لله عليكوا انكوا عرفتوا ان فيه اداريين جايين مين فين ليه ازاى دى كلها بقى ملكوش اى دعوه بيها

4- لو قلنا هنا ان الاعضاء بتتوقف او المواضيع بتتحذف فده ممكن نعتبره زى كبسه البوليس فوجاتن كده ممكن تلاقى الموضوع محذوف او انت مقبوض عليك.... عاتى عاتى

والله ده لسه بدايه الموضوع ومعتقدش انه هينتهى مع وقفى او وقف اى حد اشترك فى الجريمه الشنعاء والفعل المنكر ده


فى امان الله ورعايته

جمعيه المحافظين ع حقوق الاعضاء المفرومه