اقتباس:
|
نبدا الاسئلة وعايزة استفاضة شوية فى الاجابة
|
ان شاء الله
اقتباس:
|
1- مين اكتر حد بتحب تحكيله كل حاجة فى اخواتك ؟
|
مش بحكى لاخواتى غير فى الحاجات الفرعية
زى الدراسة وكدة
انما المواقف الخاصة لاقرب الاصدقاء
اقتباس:
|
2- لو عندك مشكلة تحب تحكيها لاحد اصدقائك ولا اخوك فى البيت مثلا ؟
|
زى ما قلت فوق
صديقى
اقتباس:
|
3- ايه اكتر حاجة بيكون وقعها على نفسك قاسى جداااااا وغير محتمل ؟
|
أنى افارق شخص عزيز عليا جدا فجأة وان حد يعاملنى معاملة غير الى بعاملها ليه تماما
اقتباس:
|
4- اكتر حاجة بتحب تقدمها لغيرك كمساعدة ؟
|
احب افقه غيرى فى الدين على اد الى انا عارفه
اقتباس:
|
5- مين اكتر حج بتحس انه فعلا بيقدم مجهودات عظيمة فى المنتدى ؟
|
الدكتور هشام هيبه وميس رانيا حسن
اقتباس:
|
6- بتحس انك بتميل لمين اكتر والدك ام والدتك ؟
|
والدتى تقريبا
اقتباس:
|
7- اكتر وقت بتحس ان نفسك فيه مطمئنة وانك فى عالم غير عالم البشر ؟
|
لما ببقى فى المسجد لواحدى وبكون فى تفكير فى شىء معين
ولما بكون فى مكان فاضى وببص للسما
اقتباس:
|
8- ابغض اوقات اليوم الى نفسك وبيبقى نفسك يعدى بسرعة جداااا؟
|
وقت الظهر تقريبا
اقتباس:
|
9- هل حذرك الشديد فى النت كما ذكرت مسبقا ممكن يخلى شخصيتك مختلفة داخل وخارج النت؟
|
أكيد لان الحذر بيجعل المعاملة تختلف
اقتباس:
|
10- بتحس انك مبسوط وفرحان اكتر فى اليوم من انك متضايق؟
|
احمد رضا قالى حكمة وانا من يوميها تقريبا بطبقها
لو زعلان مش تفتكر غير الفرح وتناسى الحزن
ويمكن دى سهلت عنى شوية
يعنى لما ببقى حزين شوية بنزل اقعد مع جيرانى وكلهم اكبر منى بس صراحة بينسونى الحزن الى حد ما
عشان كدة بحاول اخلى الفرح اكتر
انما الحزن بيبقى كحاجة رسمية
اقتباس:
|
11- هل انت فعلا بتتاثر بسرعة فى اى موقف تتعرض له ولا ممكن تكتم فى نفسك ؟
|
بتأثر فى قلبى وبكتمه الى حد كبير انما لو فعلا بيسيىء ليا او بيشعرنى بالاهانة مش بسمح اسيبه يعدى بسهولة
اقتباس:
|
12- هل حكمك على شخص ما ممكن يتغير مع اى موقف ولا حكمك من الاول بيكون صح فمش بتغيره ابداااا مهما كانت تصرفات الشخص ده معاك ؟
|
مش اى شخص بحكم عليه غير لما اتعامل معاه بشكل كبير وجدى وفعال
ودة بيكون بناء على مواقف كتير حصلت بينى وبينه
انما فيه حاجة بنسميها الانطباع
يعنى مثلا انطباعى عنك انك هادية
بس ممكن انتى تكونى غير كدة
ولو عرفت من موقف معين الانطباع أكيد بيتغير
انما لو قيمت فعلا بيبقى على اساس تعامل كبير بينى وبين الشخص
اقتباس:
|
13- مين بتحس انه فعلا بيتظلم ومش قادر يعيش وسط البشر لان طيبته زايدة جدااا؟
|
ممكن اقول انتى
دة انطباعى عنك شوية
اقتباس:
|
14- هل هناك مواقف اتعرضت لها وكانت صعبة جدا عليك وحسيت ان فى ناس بتقدرك وبتعزك وانك فعلا بتمثلهم حاجة غير اصدقائك خارج المنتدى ؟
|
اكيد
اقتباس:
|
15- بتحب تجامل ولا بتقول الصراحة مهما كانت شدتها ؟
|
بقول الصراحة بس مش بطريقة مباشرة
المهم اوصل الفكرة للشخص الى ادامى
والمهم انه يغير الخطأ الى فيه
لان الاسلوب
وسلية لغاية
والغاية هى ان الشخص يتعدل ويعرف انى عارف عنه الشىء دة
اقتباس:
|
16- ايه اكتر حاجة ممكن تخليك تبكى من قلبك فعلا؟
|
الفراق والغدر
اقتباس:
|
17- فى سؤال بيدور فى ذهنى من فترة ..... يوم امتحان الاحياء كنت عامل موضوع الصبح قبل الامتحان بساعتين هل اهلك فى البيت وافقوا انك تفتح النت وتكتب موضوع وانت عندك امتحان كمان شوية وانت كنت فاضى تعمل كده ؟!!!!!!!!!!
|
اقولك انا على حاجة ابسط
خفايا الفيزيا انا كنت عاملها فى يوم الساعة 3 بالليل
موضوع فاضى طبعا لا بس بحب اطمن على غيرى وافيد غيرى
موضوع اهلى
هم مش بيعرفوا يقنعونى بحاجة لانهم لو اجبرونى على حاجة معينة بسيبها نهائيا وبيكون وضع الخطأ كله عليهم
عشان كدة ماحدش بيقولى غير قليل
ولما بيقولولى بتحصل حوارات حادة شوية لانى بنفعل بسرعة
اقتباس:
|
18- تصرف او حاجة نفسك تلغيها وتبطلها خالص ومش قادر يعنى بتجاهد نفسك فيها ؟
|
عادة سيئة
اقتباس:
|
19- اكتر مكان نفسك تزوره من زمان .؟
|
مافيش
اقتباس:
|
20- هل انت سعيد بمعيشتك فى المنصورة كمدينة انت اتولدت فيها ولا كنت تتمنى انك تعيش فى محافظة تانية ؟
|
طالما الله سبحانه وتعالى قدر ليا المولد فى المنصورة
تبقى هى افضل مكان ليا
بس طبعا اتمنى انى اعيش بجوار الحرم
بس
ربنا أعلم منى
اقتباس:
|
21- هل انت حاسس ان اسمك بينطبق عليك ؟!!!!
|
الى حد كبير
ودة للمميزات ربنا مديهالى مش بحسها فى غيرى
اقتباس:
|
اصل انا شايفاك علطول زعلان ومتضايق
|
مش موضوع زعلان ومضايق
اسلوبى مش سهل شوية
لانى بعلق على الكلمة زى ما بيقولوا
وبضايق اوى من الى بيتكلم فى الدين وهو مش عارف حاجة
ودة الى تقريبا بشوفه فى النت كل يوم
بس هانت
اقتباس:
|
وبعدين انت اسمك السعيد يعنى كمان معرف ومميز من وسط الناس بالسعادة والفرح والبهجة والامل والانشراح والتفاؤل
كل دى معانى اسمك واظن انك عمرك مافكرت فى كل المعانى دى قبل كده
|
كل الى اعرفه عن اسمى
انه على اسم جدى
وانه كان شخصية محترمة وبعد موتها بسنين طويلى لغاية دلوقتى لسة الناس فاكراه بالخير وبالذكرى الطيبة
اما موضوع السعادة
مافيش شىء بيدوم على حاله
اقتباس:
|
22- اكتر حد بتحس فعلا انه ممكن يضحى بحياته علشانك غير والدك ووالدتك ؟
|
ممكن اخواتى
اقتباس:
|
23- اكتر فصول السنة بتحبه ؟
|
الصيف
اقتباس:
|
24- اكتر حد فى اقاربك بتحب تقابله وتشوفه كتير وتتكلم معاه كانه صديقك ؟
|
مش بحكى نهائيا اى حاجة لاى حد من اقاربى
اقتباس:
|
25- ماهى امنياتك وطموحاتك بعد الكلية ان شاء الله ؟
|
أنى اكون دكتور مسلم نافع لدينى ولغيرى
اقتباس:
|
واخيرا عايزة نظرة شاملة متكاملة عن شخصيتى بدون تكلف او احراج وانا مش هازعل خالص
|
أوك
اقتباس:
|
بس عايزة صراحة شديدة وامانة وصدق تام
|
انتى عارفه انى هاعمل كدة من غير طلب
بصى يا اختى فى الله
انا شايف انك من الناس الى من النادر الواحد يقابلهم او يعرفهم او يعرف مثيلهم
شخصية هادية ومحترمة بشكل كويس
تفترضى على الى بيتعامل معاكى احترامك
بتتمسكى بمبادئك بشكل كويس جدا
بس ممكن تنصحى بطريقة محورة شوية
ومش بتحاولى ابدا انك توقعى بين اى اتنين
شخصية مجتهدة الى حد كبير
بتعرفى تميزى بين خصوصيات حياتك
ليكى القدرة انك تعرفى الى بيقرأ منك كلمات ولو بسيطة انك بتحترميه وبتقدريه
نقدك هادى ومش لاذع
ممكن تكونى بتبصى للعالم المثالى الى مستحيل يتحقق
بس انتى عاوزة تشوفيه وتعيشيه
حساسة الى حد كبير
مش بتتعاملى بموضوعية كبيرة مع الامور
مش بتاخدى كلامك اوى فى تحدثك مع الاشخاص الى قريبين منك ودة ممكن يحسس الى ادامك بشىء تانى
ودة مش بيتعارض انك بتحسسى الى ادامك انك بتحترميه
لانى قصدى على المرة الاولى مع الاشخاص الى يعرفوكى من بعيد
بتحاولى تجدى الصداقة الحقيقة ولكنك فقدتيها الى حد كبير
اصبحتى يائسة بعض الشىء انك تلاقى الصديقة الى تبقى قريبة منك فى المكان وفى المكانة
تصورك للاشخاص بيخطىء بنسبة 20%
وبتحاولى دايما انك تبعدى نفسك عن الاشياء الى بتشتتك
وبتحاولى مع تطلعك للعالم المثالى انك تعيشى واقعك بس بردة فى نفسك شىء من الحزن
وأتمنى انك تكونى دكتورة جامعية فى صيدلة الاسكندرية
وانا كتبت انطباعى عشان منزلتك عندى كأخت محترمة وبتحترم غيرها دايما
فى امان الله