وعليكم السلام ورحمة الله وبركاته
اقتباس:
كيف الاحوال؟؟
بخير ان شاء الله
|
سألتى وجاوبتى
اقتباس:
انا بجد مكنتش عارفة اسأل واقول ايه لان الاعضاء مش سايبين حاجة
اللهم لا حسد
لكن هسأل حضرتك اسئلة تخص الكلية ان شاء الله
|
ربنا ييسر
اقتباس:
|
اولا انت التحقت بكلية الطب بكامل الارادة ولا حد من اهلك كان دافع انك تدخلها؟؟
|
يعنى انا دخلتها كنصيحة وبعد لما وازنت بين الكليات واهميتها وكدة
انما اهلى بيسبونى براحتى خاااالص
ولو حد حاول حتى يقنعنى بحاجة اخويا الكبير بيرفض كدة تماما
لانه دايما يقول دة مستقبلك انت لواحدك
اقتباس:
|
طيب انا عرفت انك عايز ان شاء الله تكون جراح ودا من البروفايل بتاعك.....هل تظن ان الطبيب الجراح يفقد مشاعره بمجرد الانغماس في المهنة ؟؟
|
والله لسة مش مستقر اوى
بس بعتقد ان اعصابه بتتحول لما بيدخل القسم دة
انما المشاعر شىء لا يفقد الا بحزن جثيم
طيب قدامك حالتين وانت طبيب الطوارئ الوحيد في المستشفى....فرضا يعني
اقتباس:
الحالة الاولى صديق مقرب ليك مصاب اصابة طفيفة (لا قدر الله) والاصابة دي بعد فترة قصيرة ممكن تسببله مشكلة
الحالة الثانية حد انت متعرفهوش ومصاب اصابة خطيرة جدا والوقت المتاح ليه قليل جدا قبل ما يدخل في غيبوبة
تعمل ايه مع العلم ان اي تأخر فيه خطر على صديقك ؟؟
|
رسالتى انى اساعد الاكثر احتياج وليس الاقارب فقط
يعنى الى هاعمله انى مش اضر اى من الاتنين
بس بم ان الحالة التانية هى الى محتاجة العلاج او التدخل الاول يبقى هى الى هاشوفها الاول
اقتباس:
|
تفتكر حكاية المثل الاعلى في المهنة ممكن تفرق معاك من حيث الدين او الجنسية؟؟
|
سؤال اجابته صعبة
انما انا ببص للمثل الاعلى فى التفكير الطبى مش التفكير الدينى
انما الجنسية اكيد مش هاتفرق
ولما بقول مثل اعلى فى الطب يعنى اكون زيه طبيا فقط ولا غير
اقتباس:
|
ايه رأيك في اللي بيقول ان اي طب غير القصر العيني بيخرج تمارجية مش دكاترة؟؟ مع العلم اننا طب قناة السويس وسمعت المقولة دي اكتر من مرة؟؟
|
انا رأيى ان الطب بيعتمد اعتماد كلى على الشخصية
يعنى هل انا بذاكر من كتب ولا اى حاجة بنفتح فيها واشوف مراجع وكدة
بس فى رأيى كليات الطب فى مصر هى القصر العينى وعين شمس والمنصورة
والباقى عاوزه من الشخص مجهود كبير شوية
خاصة وانى شايف سمعة مستشفيات المنصورة ومنها مستشفى غنيم
وكمان عارف سمعة مستشفيات الجامعة والى كلها بداخل الجامعة عندنا
اقتباس:
تفتكر ان مستوى الطب في مصر
عادي-ردئ-ممتاز-لا يمكن تقييمه؟؟
|
مصر مافيش حاجة فيها ممتازة غير ممكن اقول الجيش بس لما يحرروا فساده شوية
انما ممكن اقول عادى
اقتباس:
ايه رأيك في اغلاق معبر رفح امام الحالات المرضية الانسانية ولو طلبوا منك انك تعمل طبيب في احد مستشفيات الضفة
توافق ام ترفض؟؟
|
دة موضوع سياسى شوية بس غلقه امام حالة انسانية طبعا مرفوض رفضا تاما
انما لو دكتور فى الضفة الغربية يبقى فعلا ربنا حطنى فى حاجة عظيمة جدا ونعمة لا تقدر بمال
اقتباس:
|
لو انت قررت السفر لتحضير الماجستير في دولة ما.....وعرض عليك العمل في الدولة دي (دولة اوروبية)....والمستشفى اللي انت هتعمل فيها دي للحالات الانسانية زي سرطان الاطفال...وكان امامك فرصه في بلدك انك تعمل في مستشفى استثماري لعلاج رجال الاعمال.....ايهما تختار؟؟
|
علاج الاطفال اعتقد انه افضل ليا كرسالة
بس الاتنين عند ربنا بشر مش معنى انهم رجال اعمال يعنى احتقرهم
بس اعتقد ان فى مصر غيرى كتير هايقدروا فى موضوع رجال الاعمال دة لان الطلب هايكون عليه كبير
انما لو انا متخصص واقدر فعلا اعال الاطفال دول مش هاتردد
ولو كانوا غير مسلمين
والله اعلم ممكن اكون زى التجار المسلمين الى نشروا الاسلام فى بلاد الشرق الاقصى
اقتباس:
|
لو انت في قسم الطوارئ في المستشفى وكان هناك حادث واحد اهالي المرضى اتخانق معاك واستفزك بكلامة بطريقة شديدة ايه هيكون رد فعلك؟؟
|
هاقدر انهم فى حالة مش يحسدوا عليها لان دة قريبهم عشان كدة هاتجنب الخناق او المشدات فى الكلام واشوف الاول الحالة الى فى ايدى
اقتباس:
يا رب مكونش طولت عليك
دمت بخير
|
لا عادى
جزاكى الله خيرا