احب اقول لكل مدرس و زميل فى المهنة التى وصلت الى الحضيض و هذا يشارك فيه المدرس بنسبة عشرة فى المائة اما الباقى فهو يقع على الحكومات المتوالية التى للاسف اعضائها من مدرسى الجامعة و لكن ليس لديهم اى فكرة عن مبادئ التعليم الاساسية و منها 1-مبنى مدرسى يصلح للبيئة التعليمية (اللى عندنا ليست مدارس دى عبارة عن خرابات تسكنها الاشباح ) هل يوجد مكان للمدرس يجلس فيه لو عنده حصة فاضية و الله احنا بنقعد وسط التراب . المدرس بيركب مواصلات غير ادمية اى مع البهائم و الحيوانات الاخرى و المسافة اللى بيركبها مدتها لا تقل عن ساعة .طبعا دا غير المرتب الذى لا يقبل به شحات و هذا كلام سائح المانى عندما اخبرته عن مرتبى بعد سنين خبرة للاسف عديدة . هم عاوزين انشطة طيب منين فين الاماكن و فين الامكانيات و فى الاخر العيب و المشكلة تتكوم فوق دماغ المدرس بالله عليكم دا كلام يقوللك اصل المدرسين مش عاوزين العيال يلعبو ويمارسو الانشطة . طيب هاتوا اى حد و خلوه يحكم فى الموضوع ده . مرة كورة وقعت فى ارض احد الفلاحين راح قطع الكورة و مين اللى دفع تمنها طبعا المدرس لانهم بيعاقبوه علشان خلي العيال تمارس الانشطة . من الاخر اقسم بالله العظيم نحن ليس عندنا مدارس . رغم اللى انا باشوفوه من المدرسين و حركاتهم القرعة اللى بيعملوها فى بعض علشان الدروس الخصوصية لدرجة انهم بيسبوا و يهزأو بعض و يضربوا بعض امام الطلبة . و اخيرا احب اذكر موقف حصل بين احد السفراء و رئيس الوزراء الاسبق عبد العزيز حجازى عندما السفير سأل رئيس الوزارة لية التعليم سيء كانت الاجابة عندما قراتها فى جريدة المساء مثل الصاعقة ( قال له هم عاوزين كده .
|