[dr.zomba]

المشاركة الأصلية كتبت بواسطة براءة

السلام عليكم ورحمة الله وبركاته



موضوعى النهارده

مش عارفه ابدأ منين بصراحة

بس مبدئيا هتكلم عن حاجة مهمة جدا

اللى هيا غض البصر

وللأسف مش هعنى بكلامى الشباب فقط ،، لكن هكلم الكل صغير وكبير ولد وبنت

هذكرلكوا عدة مواقف ،، بجد استفزتنى جدا جدا ،، وللأسف لقيت 90% بيتعامل مع المواقف دى بطرق خاطئة ،،

ابدأ

..........


بسم الله الرحمن الرحيم



الموقف الاول ...



كنا فى سينما
افتكر كان فيلم نمس بوند (محدش يركز ع الفيلم ده مثال ومش طالبة هيافة)
المهم
الفيلم كان فيه كذا منظر بصراحة مش ظراف
وكل اللى دخلوه اجمعوا على ده
طيب
كان ايه رد فعل الناس لما اى منظر بيظهر ع الشاشة ؟؟؟
رد الفعل : ....... ولا كأن فى اى حاجة حصلت
الناس فضلت مركزة اوى وبحلقت جامد وعادى جدا
محدش حتى ادار وجهة ولو لثانية
الفئة العمرية اللى كانت موجودة ... الاغلبية اسر
الاب والام والجدة والاطفال
كله متابع جدا وعادى
سبحان الله !!
استغربت الموقف ده بجد انا واخواتى ،،
و فـ مرة بسأل اصحابى ع الموضوع ده لانى فعلا استغربت جدا جدا
قالولى لالالالالا عادى .. ؤمال هنعمل ايه يعنى
قلتلهم بصوا فى الارض
نزلوا عنيكوا .. غضوا بصركم !!
ضحكوا وقالولى
مفيش حد دلوقتى كده
احنا لو ع كل منظر ادارنا وجوهنا .. كده مش هنعرف نشوف الفيلم كله !!
كلامى مش ع الفيلم لكن ع موقف الناس
فين غض البصر؟؟
والاهالى دول .. مفيش حد يقول لاولاده ولو _عيب_ !!
طيب حد يعمل نفسه متضايق ..!!
مفيش اى حاجة من دى بتحصل
الناس كلها عيونها مبتنزلش
طيب لو مش علشان ربك ودينك
يبقى اقلها فى حاجة اسمها .. ميصحش ........
مفيش غض بصر
فيه بس انعدام حياء
اللهم ارحمنا
اللهم ارحمنا
اللهم ارحمنا


الموقف التانى



الشباب اللى بيقعد فى مداخل المولات
قاعد مهمته فى الحياة يعاكس
لكن دى مش قضيتى دلوقتى
اللى يضايق اكتر عيونهم
كتيييير اوى بنسمع .. الولد اللى هناك ده جابك من فوق لتحت !
ولا لو واحد معدى من جنبك وتلاقيه ماشي لقدام لكن راسة معووجة لورا
او واحد ماشي مركز معاكى اوى وباصص ببجاحة
حاجة كده تخلى الواحدة ماشية مخضوضة
فين غض البصر مننا؟؟
ده مش من اولاد بس
كمان بنات
انا ببقي احيانا ماشية مع جروب بنات
وولد امور ولا حاجة وشعره مسبسب تلاقى البنوتة ماشية معانا بضهرها
متفوقش غير اذا اتخبطت بقي ولا حد مسكها من ايديها قالها بصي قدامك
فين الحياء .. فين
مش عارفة ................


الموقف التالت



90% من الاولاد اللى معاهم موبايلات لازم يكون عندهم برامج اخفاء للملفات
يا اما بعد ما تدخل الجاليرى وتيجى ع الفيديوهات تلاقى معمولها باسووردات
مش لازم اوضح اكتر لكن
المبررات غالبا ضعيفة
وبصرف النظر عن ان ده حرام .. وبصيغة تانية عيب .. وبصيغة تالته كارثه
فده ان دل ع شئ فـ يتلخص ده فى .. انعدام حياء و مفيش غض بصر



النتيجة
مفيش غض بصر دلوقتى

والله بجد حاجة تحرق قلوبنا اوى

سبحان الله
ده ربنا _سبحانه وتعالى_ بيقول فى سورة النور

قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ (30)
وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ .............(31)

وفين احنا من حديث الرسول _صلى الله عليه وسلم_

( عن أبي سعيد عن النبي صلى الله عليه وسلم قال : { إياكم والجلوس في الطرقات , فقالوا :
يا رسول الله ما لنا من مجالسنا بد نتحدث فيها ,
فقال : إذا أبيتم إلا المجلس فأعطوا الطريق حقها ,
قالوا : وما حق الطريق يا رسول الله ؟
قال : غض البصر , وكف الأذى ,ورد السلام , والأمر بالمعروف , والنهي عن المنكر } متفق عليه )

طيب هو ايه هو غض البصر ؟؟؟؟
هو أن يُغمِضَ المسلم بصره عمَّا حُرِّم عليه، ولا ينظر إلا لما أبيح له النظر إليه.

عما حرم عليه .....
مش دلوقتى المبرر السخيف .. ما هى البنات هى اللى غلطانة دى بتلبس و بتضحك و و و
لا
انت ملزم انك تغمض بصرك فى ما لا يحل اليك النظر اليه
مش تغمض بصرك عن البنات المحترمة بس والباقييت هما الغلطانين
مع ان والله محترمة او لا يتم تفحصها من اول حذاءها لحد راسها !

وعن جرير بن عبدالله رضي الله عنه أنه قال: سألت رسول الله صلى الله عليه وسلم عن نظر الفُجَاءةَ فأمرني أن أصرف بصري" (رواه مسلم).

ايه هو نظر الفجاءة ؟
دى اسمها النظرة الاولى لما تكون بدون قصد
وهى نظرة لا تحاسب عليها
ولكن النظرة التانية انت تؤثم عليها ..
وورد مما فى نفس معناه

عن بريدة الأسلمي رضي الله عنه. أنه قال: قال رسول الله صلى الله عليه وسلم لعلي: "يا علي، لا تُتبع النَّظرة النظرة، فإن لك الأولى وليست لك الآخرة" (رواه أبو داود والترمذي وأحمد والحاكم وحسنه الألباني - صحيح أبي داود).


وجاء في الأثر عن عبدالله بن مسعود رضي الله عنه. أنه قال: "حفظ البصر أشد من حفظ اللسان".
وقال أنس بن مالك رضي الله عنه: "إذا مرَّت بك امرأة فَغَمِّضْ عينيك حتى تُجَاوِزَك".

يا شباب الاسلام

ربنا لما يؤمرك بحاجة لازم تبقي عارف انها الأفضلكـ
ربنا سبحانه وتعالي بيحبك جدا

لو عرفت فوائد غض البصر هتعرف انك محتاجها
احنا فى زمن محتاجين فيه اوى نعدل كتير اوى من تصرفاتنا
ومحتاجين نحصن نفسنا اوى ...
وعلشان ترقق قلوبنا لازم نحاول نعصم نفوسنا من الفتن ..

واخيرا
تعالو مع بعض نرفع شعار ( اطرق بصرك)
يعنى دور وشك .. نزل عينيك الارض .. اتصرف

والله بجد انا نفسي كلنا نرفع راية لا اله الا الله
ونعيش حياتنا اوى بس نعيشها صـــــح
و اول حاجة لازم نعملها لازم نقضي ع القسوة اللى فى قلوبنا بالتدريج باذن الله
وادينا بنحاول مع بعض

كلامى من قلبي يا ريت يكون وصل

براءة ،،

وعليكم السلام ورحمة الله وبركاته

بصي يا براءة

انا كنت النهارده في الجامعه

وقاعد مستني واحد صاحبي المهم كنت باصص قصادي لقيت بنات لبسهم مش حلو رحت لافف وشي لقيت بنتين جايين من الناحيه اللي بصيت فيها رحت لافف الناحية التانيه لقيت بنت بردو خارجه من مبني وسبحان الله كلهم نفس اللبس

في الاخر رحت حاطط ايدي علي عيني

بكلم صاحبي ( في تجاره انجلش ) بيقولي يا خبر ابيض يا عاااااااااااااااادل دا البنات في الكليه دي كتييييييييييير اوي وفضل يوصفلي فيهم

يعني من الاخر بقت اكبر اهتمامات الولاد انهم يتكلموا مع البنات ولو مش هيتكلموا هيكتفوا بالبص

يعني مثلا فيلم نمس بوند دا كنت انا وصاحبي رايحين سنما ومحتارين في الفيلم ولقينا فيلم نمس بوند والاقيلك الولد دا اتحول لطفل والنبي يا عادل ندخل الفيلم دا دي دوللي شاهين في الفيلم اقوله وانا ادفع فلوسي عشان اتفرج علي العبط دا

وفضلنا في مفاوضات حوالي ربع ساعه وهو عمال بيحاول يقنعني وكلامه كله زي ما بيقال ( عذر اقبح من ذنب ) وفي الاخر الحمد لله مدخلناهوش

والله انا عن نفسي فهمت معني ( افعل يا ابن ادم كما تشاء كما تدين تدان ) وانا عندي اخوات بنات عشان كدا الحمد لله بقدر الامكان بحاول اغض البصر

ولو كل واحد فهم المعني دا وطبقه علي اي بنت عنده في العيله لو معندهوش اخوات بنات والله العظيم الشباب هيتغير جامد

لان من الاسباب الجوهريه اللي جايبانا ورا موضوع البنات دا

وربنا يستر علي البنات والشباب ويهدي الجميع

وشكرا يا ( براءه ) علي الموضوع