هقول انا اجابة السؤال ده
ده لو تسمحولى يعنى
(( من الايثيلين كيف تحصل على الميثان ..))
اولا طبعا انا مش هعرف اكتب معادلات فهقول كده علطول
الاول هنفاعل الايثيلين مع حمض الكبريتيك وده طبعا مع مراعاة كتابتها بالصيغه البنائيه وده علشان تاخد بالك من جزئ الماء
هينتج فى المعادله دى كبريتات ايثيل هيدروجينيه وجزئ ماء صغنطوط
بعد كده هتاخد كبريتات الايثيل الهيدروجينيه تسخنها هينتج عندك كحول ايثيلى(ايثانول) و حمض الكبريتيك اللى زى مادخل زى ماخرج
وبعدين تاخد الايثانول وتفاعله مع حمض الاسيتيك اللى هو (حمض الايثانويك) فى وجود حمض الكبريتيك كماده نازعه للماء وكمانع
للتفاعل العكسى
المهم هينتج عندك استر اسيتات الايثيل وجزئ ماء حزين
تاخد استر اسيتات الايثيل تفاعلها مع هيدروكسيد صوديوم هتلاقى يطلع عندك اسيتات صوديوم وايثانول (تااااااااانى)
المهم
تاخد اسيتات الصوديوم وتفاعلها مع الجير الصودى اللى هو طبعا هيدروكسيد صوديوم واكسيد كالسيوم فى وجود حراره
هينتج عندك
ميثان و كربونات صوديوم
مش تتخض من الكلام الكتير ده المعادلات ابسط كتيييير
