شكرا ً د/ماجدولين على ردودك على كلامي وجزاك الله كل خير
اقتباس:
|
هو حضرتك بتذاكر لهدف محدد ولا بتذاكر عشان المفروض تذاكر وخلاص؟؟؟؟
|
طبعا ً ليا أهداف انا مش عارف أوقات تزيد الدوافع مرة واحده وأنشط وأذاكر وأفتكر هدفي ومستقبلي وإرضاء والداي وساعات تانية أمل ملل شديد وأكون
مليش نفس أذاكر والمذاكرة تكون تقيلة عليا جدا ً ... بس الأخير هو اللي بيحصل معظم الوقت ..
---------------------------------------
بس أنا ذاكرت الكام شهر اللي آخر السنه دول وجبت 98% على الرغم من إنعدام الحماس ... الحمد لله ..
نفسي أحافظ على المجموع ده خصوصا ً أني علمي علوم .. وفيه ناس أصحابي خوفوني من سنة ثالثة ....
أنا بدرس أحياء وفيزياء ...
عندي جدول دروس ربنا العالم بيه ..
كل حصص الفيزياء والأحياء (كل أيام الأسبوع) بتبقى الساعة 6 صباحا ً بعد الفجر .. ويومين لدرس E الساعة 3 العصر ويومين لدرس العربي الساعة 8 بليل .... أنا مشتت تماما ً ووقتي ملخبط ومش ملاحق أذاكر أيه ولا أيه وأمته .. 
!!
كان عندي شوية أسئلة .. 
أزاي أذاكر الفيزياء مذاكرة مثالية ... يعني أعمل أيه بالظبط عشان أذاكر فصل معين مثلا ً لوحدي بدون شرح مدرس ؟
أيه أصعب فصول الفيزياء وإيه أصعب فصول الأحياء ... ?
الأحياء ولا الفيزياء الأصعب والأكثر أحتياجا ً للمتابعة والإهتمام أكثر .. أقصد أيه هو الترتيب من حيث الأولوية في المذاكرة للمواد (عربي/E/فيزياء/أحياء) ؟
بالنسبة للإقتصاد والإحصاء أيه نظامها من حيث الصعوبة والسهولة ... وأبدأ أذاكرها من شهر كام ؟
أنا كان عندي ظروف صحية طارئة أول الدروس ما بدأت .. محضرتش دروس ..
وفاتني أول فصلين في الفيزياء وكذلك أول فصل في الأحياء ..
الأحياء قدرت أتمكن منها ...... لكن الفيزياء .. مش قادر ألم الفصول الضايعة دي ..
حاسس أن أنا متشتت تماما ً ... وخايف جدا ً منها ... يريت حد يديني نصائح تساعدني ..
آسف عالإطالة ... وحقيقي الموضوع جميل جدا ً وهيساعد ناس كتير ... جزاكم الله كل خير .. 