اقتباس:
المشاركة الأصلية كتبت بواسطة mostafa1991
الزمان : ليلة السبت 11/11/2006
المكان : تونس
الحدث : المباراة النهائية لبطولة رابطة الابطال الافريقية بين الأهلى والصفاقسى التونسى
المشهد : جمهور مصر – وليس الاهلى فقط – يسهر مبتهجا فى شوارع مصر كلها ابتهاجا بفوز الاهلى فى عقر دار الصفاقسى .
السبب : توفيق الله سبحانه وتعالى ، أداء الفريق ، هدف أبو تريكة
الزمان : ليلة الجمعة 10/2/2006
المكان : القاهرة
الحدث : المباراة النهائية لبطولة كأس الأمم الافريقية بين مصر وكوت ديفوار
المشهد : جمهور مصر – وليس الاهلى فقط – يقيم الأفراح داخل الاستاد وخارجه والكل يجوب شوارع الجمهورية احتفالا بفوز مصر بكأس الامم .
السبب : توفيق الله سبحانه وتعالى ، أداء المنتخب ، ركلة ترجيح أبو تريكة
الزمان : ليلة الأحد 10/2/2008
المكان : غانا
الحدث : المباراة النهائية لبطولة كأس الأمم الافريقية بين مصر والكاميرون
المشهد : جمهور مصر – وليس الاهلى فقط – يقضى الليلة كاملة حتى ظهور خيوط صباح اليوم التالى فى شوارع مصر كلها سعيدا وغير مصدقا لفوز مصر بكأس الأمم الافريقية للمرة الثانية على التوالى وخارج مصر .
السبب : توفيق الله سبحانه وتعالى ، أداء المنتخب ، هدف أبو تريكة
الزمان : عصر الأحد 7/9/2008
المكان : الكونغو
الحدث : مباراة صعبة خارج الحدود مع منتخب الكونغو تقرر مستقبل المنتخب فى تصفيات حلم الوصول الى كأس العالم 2010 .
المشهد : المصريون – من مشجعى كل الاندية وليس الاهلى فقط - يستعيدون الهيبة ويتقدمون بكبرياء نحو التصفيات النهائية لكأس العالم ، واستعادة الاستقرار نحو تحقيق حلم الجميع .
السبب : توفيق الله سبحانه وتعالى ، أداء المنتخب ، هدف أبو تريكة
هذا هو " محمد أبو تريكة " الذى سبه جمهور الزمالك فى لقاء فريقهم أمام النادى الاهلى فى بطولة رابطة الابطال الافريقية الحالية .. ولم يقدم اليهم أى اساءة ليستحق منهم ذلك !
منقوووووووووووول
|
بص انا بحب ابو تريكة جداااااااااااااا والله مع انى زملكاوي
بس مش عشان كده نخليه هو سبب النجاح في كل حاجة انت شايف ان اللي رفع العلم هو اللي جاب النصر يعني
انا والله مش بحاول اقلل من قدره لاني بحبه جدااااا وانه مثال يحتذي به للمسلم والانسان الناجح
وربنا بيحبه جدا عشان كده بيجيب اهداف لها تاريخ
بس انا شايف ان جمهور الاهلي مكبر الموضوع اوى
هاتكلم دلوقتي زي مانتو قلتو قبل كده
فيها ايه يعني لما يتشتم وبعدين اهو ماتشتمش كتير
ده الكلام اللي قاله محمد بركات لما شيكابالا اتشتم واتقاله ياقرد (استغفر الله العظيم)
ساعتها محدش اتكلم ولا اي حاجة
مع انه نجم الفريق بتاعنا زي ابو تريكة عندكو
وبعدين ليه بتقولو جمهور الزمالك شتم ابو تريكة وقلة من جمهور الاهلي العظيم المحترم المبجل شتم شيكابالا
وبعدين زي ماقلتو عن ابو تريكة تقولو عن جمال حمزة اللي اتشتم في نفس الماتش من جمهور الاهلي من غير مايكون ليه ذنب انه يتشتم (الكلام ده من واحد اهلاوي كان في الماتش وكان فرحان وهو بيقولي شتمنا جمال حمزة)
كمان لما كل كورة يتقال العبيط اهو لاى لاعب زملكاوي غلط في كرة مثلا
المبادئ مش بتتجزأ واللي مش بيغلط يجي يعاقب جمهورنا
نبيل الزملكاوى